កីឡាករAnton Shipulin ដែលជាជើងឯកជិះស្គីចម្រុះវិញ្ញាសាពិភពលោក ដែលស្ថិតនៅកណ្តាលរឿងអាស្រូវប្រើប្រាស់គ្រឿងញៀនរបស់រុស្ស៊ីនោះ បានប្រកាសការចូលនិវត្តន៍របស់គាត់កាលពីថ្ងៃអង្គារ។
កីឡាករShipulin វ័យ៣១ឆ្នាំ បាននិយាយប្រាប់សន្និសីទកាសែតនៅក្នុងទីក្រុងម៉ូស្កូ ថាលោកបានសម្រេចចិត្តចូលនិវត្តន៍បែបនេះ ក្រោយត្រូវបានគេហាមប្រាមពិការចូលរួមព្រឹត្តការណ៍Winter Olympics នៅដើមឆ្នាំនេះ។
កីឡាករ Shipulinស្ថិតនៅក្នុងចំណោមអត្តពលិកជាច្រើននាក់របស់រុស្ស៊ី ដែលត្រូវបានគេហាមឃាត់មិនឲ្យចូលរួមការប្រកួត សម្រាប់ការរួមចំណែករបស់ពួកគេនៅក្នុងកម្មវិធីប្រើប្រាស់គ្រឿងញៀនដែលគាំទ្រដោយរដ្ឋាភិបាលរុស្ស៊ី នៅព្រឹត្តការណ៍Winter Games2014ក្នុងទីក្រុងSochi។
កីឡាករ Shipulinបានឈ្នះមេដាយមាសកីឡាជិះស្គីចម្រុះវិញ្ញាសារ នៅការប្រណាំងបណ្តាក់នៅទីនោះ។
ទោះបីជាយ៉ាងណាក៏ដោយ កីឡាករShipulin មិនខុសប្លែកគ្នានឹងអត្តពលិកផ្សេងទៀតរបស់រុស្ស៊ីនោះ បានធ្វើការច្រានចោលទាំងស្រុងចំពោះការចោទប្រកាន់មួយនេះ។
លោកបាននិយាយកាលពីថ្ងៃអង្គារថា វាប្រសើរជាជាងបើសិនជាលើកចាកចេញទៅ ហើយបញ្ចៀសផុតពីការស្តីបន្ទោសលើបរិយាកាសនយោបាយសម្រាប់លទ្ធផលអន់របស់លោក៕
Source: Kampuchea Thmey Daily
0 Comments