ឧត្ដរមានជ័យ ៖ នៅព្រឹកថ្ងៃទី១២ ខែធ្នូ ឆ្នាំ២០១៨ មន្ត្រីសាខាកាំកុងត្រូលខេត្តឧត្ដរមានជ័យ បានចុះផ្សព្វផ្សាយ ស្ដីអំពី សុវត្ថិភាពម្ហូបអាហារ និងផលប៉ះពាល់ នៃការប្រើប្រាស់គ្រឿងឧបភោគបរិភោគ នៅវិទ្យាល័យបន្ទាយអំពិល ឃុំគោកមន ស្រុកបន្ទាយអំពិល ដោយមានសិស្សានុសិស្ស និងលោកគ្រូ អ្នកគ្រូ ព្រមទាំងអាជ្ញាធរដែនដី ចូលរួមប្រមាណជិត២០០នាក់។
ក្នុងឱកាសនោះ មន្ត្រីកាំកុងត្រូល បានណែនាំអំពីរបៀបជ្រើសរើសផលិតផល ម្ហូបអាហារដែលមានសុវត្ថិភាពយកមកបរិភោគ មានដូចជា ស្លាកសញ្ញា, ថ្ងៃ-ខែ-ឆ្នាំ ផលិត ឬផុតកំណត់រយៈពេលប្រើប្រាស់ សំបកវេចខ្ចប់ផលិតផល និងផលប៉ះពាល់ដល់សុខភាព ដែលបណ្ដាលមកពីការបរិភោគ ម្ហូបអាហារដែលមានសារធាតុគីមីហាមឃាត់ ឬសំណល់ថ្នាំកសិកម្ម។..ល..។
ក្នុងសកម្មភាពនោះដែរ មន្ត្រីជំនាញបានចែក ខិត្តប័ណ្ណអប់រំ ស្ដីពី “សុវត្ថិភាពចំណីអាហារ” ដល់សិស្សានុសិស្ស និងលោកគ្រូ-អ្នកគ្រូ ផងដែរ៕
Source: Kampuchea Thmey Daily
0 Comments