ភ្នំពេញ ៖ បុរសម្នាក់ ត្រូវសមត្ថកិច្ចឃាត់ខ្លួន រួមទាំងថ្នាំញៀន២កញ្ចប់ កាលពីវេលាម៉ោង៧យប់ ថ្ងៃទី០៧ ខែធ្នូ ឆ្នាំ២០១៨ ចំណុចផ្លូវបេតុង ក្រុមទី០៨ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ជនសង្ស័យ ឈ្មោះ ហេង ចាន់ឌីណា ភេទប្រុស អាយុ៣១ឆ្នាំ ស្នាក់នៅផ្ទះ២១៣ជ ផ្លូវបេតុង ក្រុមទី០៤ ភូមិបឹងសាឡាង សង្កាត់ឫស្សីកែវ មុខរបររត់ម៉ូតូឌុប។
ចំណែកសម្ភារៈដកហូត មាន ក្រាមពណ៌សថ្លាចំនួន០២កញ្ចប់តូច ប្រាក់ចំនួន៤,៥០០រៀល និងទូរស័ព្ទដៃមួយគ្រឿង ម៉ាក hiya ពណ៌ស។
ក្រោយឃាត់ខ្លួន ជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី៕
Source: Kampuchea Thmey Daily
0 Comments