សកម្មជន​ត្រូវបាន​ឃាត់ខ្លួន ​ខណៈ​ការកាត់ក្តី​មេធាវី​ចិន​បានចាប់ផ្តើម

សាក្សី​បាន​និយាយថា សកម្មជន​ពីរ​នាក់​ត្រូវបាន​គេ​នាំខ្លួន​ចេញ​កាលពី​ថ្ងៃ​ពុធ​បន្ទាប់ពី​តវ៉ា​នៅ​ខាងក្រៅ​តុលា​ការដែល​មានការ​យាមកាម​យ៉ាង​ប្រុងប្រយ័ត្ន​នៅ​ភាគ​ខាងជើង​ប្រទេស​ចិន​ដែលជា​កន្លែង​ការកាត់ទោស​មេធាវី​សិទ្ធិ​មនុស្ស​ដ៏​លេចធ្លោ​ម្នាក់​នឹងត្រូវ​កើតឡើង​។​

លោក Wang Quanzhang អាយុ​៤២​ឆ្នាំ​ដែល​បាន​ការពារ​ក្រុម​សកម្មជន​នយោបាយ​និង​ជនរងគ្រោះ​នៃ​ការ​រឹបអូស​យក​ដីធ្លី​គឺ​បាន​បាត់​ខ្លួន​នៅក្នុង​យុទ្ធនាការ​ឆ្នាំ​២០១៥​ដែល​ត្រូវបាន​គេ​ស្គាល់​ថា​ជា “​ការបង្ក្រាប​៧០៩” ដែល​សំដៅ​ទៅលើ​អ្នក​រិះគន់​តុលាការ​របស់​អាជ្ញាធរ​កុម្មុយនីស្ត​។​

ដោយ​ត្រូវបាន​ចោទប្រកាន់​នៅក្នុង​ខែមករា​ឆ្នាំ​២០១៦​ពីបទ​បំផ្លិចបំផ្លាញ​អំណាច​របស់​រដ្ឋ​, លោក Wang បាន​ស្ថិតក្នុង​ស្ថាន​ភាពមិនច្បាស់លាស់​រហូតដល់​ថ្ងៃ​ចន្ទ​នៅពេល​មេធាវី​ដែល​តែងតាំង​ដោយ​រដ្ឋាភិបាល​របស់គាត់​បាន​ទាក់ទង​ភរិយា​របស់គាត់​ជាមួយ​កាលបរិច្ឆេទ​តុលាការ​។​
​
មុន​ម៉ោង​១០​ព្រឹក អ្នកកាសែត AFP បានឃើញ​បុរស​ម្នាក់​ត្រូវបាន​គេ​ចាប់ខ្លួន​បន្ទាប់ពី​គាត់​តវ៉ា​នៅ​ខាងក្រៅ​តុលាការ​ក្នុង​ទីក្រុង Tianjin ដែលជា​កន្លែង​ការកាត់ទោស​របស់លោក Wang ត្រូវបាន​គេ​ជឿជាក់ថា​នឹង​ដំណើរការ​។​
​
មិនយូរប៉ុន្មាន មន្ត្រី​ជាច្រើន​នាក់​ដែល​ស្លៀកពាក់​ស៊ីវិល​បាន​តម្រង់​ទៅរក​អ្នក​តវ៉ា​ហើយ​បាន​នាំខ្លួន​គាត់​ចូលទៅក្នុង​ឡាន SUV ពណ៌​ខ្មៅ​មួយគ្រឿង​ដែល​កំពុង​រង់ចាំ​។​
​
សាក្សី​ម្នាក់​បាន​ប្រាប់ AFP ថា បុរស​ម្នាក់ទៀត​ដែល​កាន់​សញ្ញា​មួយ​និយាយថា “​ដោះលែង​អ្នក​គ្មាន​កំហុស Wang Quanzhang” គឺ​ត្រូវបាន​អាជ្ញាធរ​មូលដ្ឋាន​នាំចេញ​ទៅ​នៅ​ម៉ោង​ប្រហែល​៨​និង​១៥​នាទី​ព្រឹក​។​
​
អ្នកស្រាវជ្រាវ​ម្នា​ក់នៅ​អង្គការ​លើកលែងទោស​អន្តរជាតិ​ឈ្មោះ Patrick Poon បានកំណត់​អត្តសញ្ញាណ​បុរស​ម្នាក់​នោះ​ថា​មានឈ្មោះ Zhang Zhecheng ជា​សកម្មជន​សិទ្ធិមនុស្ស​មកពី​ខេត្ត Jiangxi ភាគ​កណ្តាល​ប្រទេស​ចិន​។​
​
លោក Wang ត្រូវបាន​គេ​ចោទប្រកាន់​ពីបទ​ទទួលរង​ឥទ្ធិពល​ពី​កងកម្លាំង​ប្រឆាំង​ចិន​ដែល​ត្រូវ​បានទទួល​ការហ្វឹកហាត់​ពី​ក្រុម​បរទេស​និង​ទទួលយក​ការផ្តល់​មូលនិធិ​របស់​ពួកគេ​។​
​លោក Wang ក៏ត្រូវ​បាន​គេ​ចោទប្រកាន់​ពីបទ​បំផ្លិចបំផ្លាញ​និង​បង្ខូច​ការពិត​ក្នុងករណី​ដែល​គាត់ ធ្វើការ​រួមទាំង “​សាសនា​” ដែល​គាត់​កំពុង​ការពារ​ផងដែរ​៕ AFP

​

Source: Kampuchea Thmey Daily