រតនគិរី ៖ ជនសង្ស័យ២នាក់ ត្រូវនគរបាលប៉ុស្តិ៍ឃាត់ខ្លួនពាក់ព័ន្ធករណីចោរកម្ម(លួចទូរស័ព្ទដៃ) កាលពីវេលាម៉ោង៥និង៣០នាទីល្ងាច ថ្ងៃចន្ទ ៣កើត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១០ ខែធ្នូ ឆ្នាំ២០១៨ នៅចំណុចផ្ទះឈ្មោះ ហ៊ាង រ៉េន ស្ថិតនៅភូមិ១ សង្កាត់កាចាញ ក្រុងបានលុង។
លោក សួន សាវុធ នាយប៉ុស្តិ៍សង្កាត់កាចាញបានឲ្យដឹងថា ជនសង្ស័យឈ្មោះ ផែន ភារម្យ ភេទប្រុស អាយុ១៨ឆ្នាំ ជនជាតិខ្មែរ មានទីលំនៅនិងមុខរបរ មិនពិតប្រាកដ។ ២-ឈ្មោះ ធូ ណេត ភេទប្រុស អាយុ១៨ឆ្នាំ ជនជាតិខ្មែរ មានទីលំនៅភូមិ១ សង្កាត់កាចាញ ក្រុងបានលុង ខេត្តរតនគិរី មុខរបរ សិស្ស។
ក្រោយពីការឃាត់ខ្លួនជនសង្ស័យទាំង២នាក់ត្រូវបាននគរបាលប៉ុស្តិ៍បញ្ជូនមកអធិការក្រុងបានលុងដើម្បីឃាត់ខ្លួនបណ្តោះអាសន្នរៀបចំសំណុំរឿងបញ្ជូនទៅអយ្យការអមសាលាដំបូងខេត្តចាត់វិធានការទៅតាមនីតិវិធីច្បាប់៕
Source: Kampuchea Thmey Daily
0 Comments