នៅថ្ងៃពុធ នាយករដ្ឋមន្ត្រី Theresa May ត្រូវប្រឈមមុខនឹងសភា ដែលមានកំហឹងបន្ទាប់ពីពន្យារពេលការបោះឆ្នោតដ៏សំខាន់មួយលើកិច្ចព្រមព្រៀង Brexit របស់លោកស្រីនៅក្នុងទង្វើដ៏អស់សង្ឃឹមមួយដែលបន្សល់ទុកកិច្ចព្រមព្រៀងនេះនិងអនាគតរបស់លោកស្រីផ្ទាល់ស្ថិតក្នុងភាពស្រពេចស្រពិល។
មេដឹកនាំចក្រភពអង់គ្លេសបានធ្វើដំណើរទៅកាន់បណ្តារដ្ឋធានីអ៊ឺរ៉ុបកាលពីថ្ងៃអង្គារក្នុងការប៉ុនប៉ងមួយដើម្បីជួយសង្គ្រោះកិច្ចព្រមព្រៀងនេះបន្ទាប់ពីសមាជិកសភាបានរិះគន់លើបញ្ហាព្រំដែនអៀរឡង់។
លោកស្រីបានទទួលការអាណិតអាសូរពីដៃគូអ៊ឺរ៉ុបប៉ុន្តែបានបដិសេធយ៉ាងម៉ឺងម៉ាត់ចំពោះការប៉ុនប៉ងណាមួយដើម្បីបើកកិច្ចព្រមព្រៀងឡើងវិញបន្ទាប់ពីត្រូវបានអនុម័តដោយមេដឹកនាំសហភាពអឺរ៉ុបកាលពីខែមុនក្រោយពីមានការចរចារ។
លោក Jean-Claude Juncker ប្រធានគណៈកម្មការអឺរ៉ុបបាននិយាយមុនពេលកិច្ចចរចាជាមួយលោកស្រី May កាលពីថ្ងៃអង្គារថា “មិនមានកន្លែងណាសម្រាប់ការចរចាឡើងវិញទេប៉ុន្តែពិតណាស់មានកន្លែងទំនេរប្រសិនបើត្រូវបានប្រើប្រាស់ដោយភាពវៃឆ្លាតដើម្បីផ្តល់ការបញ្ជាក់បន្ថែម”។
ស្របពេលជាមួយគ្នានោះដែរ អធិការបតីអាល្លឺម៉ង់លោកស្រី Angela Merkel បាននិយាយបន្ទាប់ពីជំនួបជាមួយលោកស្រី May ថា “គ្មានផ្លូវផ្លាស់ប្តូរ” កិច្ចព្រមព្រៀងនេះទេ។
រីឯប្រធានសហភាពអឺរ៉ុបលោក Donald Tusk បាននិយាយថា បណ្តាមេដឹកនាំប្លុកនេះចង់ជួយលោកស្រីនាយករដ្ឋមន្ត្រីប៉ុន្ដែបានបន្ថែមថា “សំណួរគឺថាត្រូវជួយដោយរបៀបណា”។
កាលពីថ្ងៃចន្ទ លោកស្រី May បានប្រាប់សមាជិកសភាថា លោកស្រីបានពន្យារពេលការបោះឆ្នោតដ៏សំខាន់មួយលើកិច្ចព្រមព្រៀងនេះដែលត្រូវបានគ្រោងធ្វើនៅថ្ងៃអង្គារដោយសារភាពថា វាបានប្រឈមនឹងការបដិសេធនិងសន្យាថានឹងធ្វើការពិគ្រោះជាមួយមេដឹកនាំសហភាពអឺរ៉ុបក្នុងកិច្ចខិតខំប្រឹងប្រែងមួយដើម្បីទទួលបានទំនុកចិត្តបន្ថែមទៀត។
លោកស្រីបាននិយាយថា ឥឡូវនេះការបោះឆ្នោតនឹងត្រូវធ្វើឡើងមុនថ្ងៃទី២១ខែមករា៕ AFP
Source: Kampuchea Thmey Daily
0 Comments