គម្រោង​ចិត្ត​ដូចគ្នា ប្រកាស​ក្រុម​ជ័យលាភី ប្រកួតប្រជែង “​ដើម្បី​សង្គមជាតិ យើង​អាច​ធ្វើបាន​”

ភ្នំពេញ ៖ នា​ថ្ងៃទី​២៥ ខែមករា ឆ្នាំ​២០១៩ គម្រោង​ចិត្ត​ដូចគ្នា បាន​រៀបចំ​កម្មវិធី​ប្រកាស​ជ័យលាភី កម្មវិធី​ប្រកួតប្រជែង “​ដើម្បី​សង្គមជាតិ យើង​អាច​ធ្វើបាន​” រដូវ​កាល​ទី​២ ក្រោម​អធិបតីភាព​លោក ស៊ាន បូរ៉ា​ត រដ្ឋលេខាធិការ​តំណាង​ដ៏​ខ្ពង់ខ្ពស់​លោក​បណ្ឌិតសភា​ចា​រ្យ ហង់ ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា និង​លោក ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា ព្រមទាំង​លោក​បណ្ឌិត លី ឆេង តំណាងរាស្ត្រ​មណ្ឌល​រាជធានី​ភ្នំពេញ និង​ជា​អគ្គនាយក​ប៊ែ​ល​ធី គ្រុប ដែលមាន​សិស្ស​-​និស្សិត​ចូលរួម​ប្រមាណ​ជាង .........​នាក់ នៅ​សាល​សហ​សិក្សា​របស់​សាកលវិទ្យាល័យ ប៊ែ​ល​ធី អន្តរជាតិ​ទី​១ (​សាខា​ទួលស្លែង​)​។​



​លោកស្រី ងួន សូ​នី ប្រធាន​ក្រុមការងារ​គម្រោង​ចិត្ត​ដូចគ្នា បាន​ថ្លែងថា «​កម្មវិធី ដើម្បី​សង្គមជាតិ យើង​អាច​ធ្វើបាន​» បានរៀបចំ​ឡើង​ដោយ​គម្រោង​ចិត្ត​ដូចគ្នា ដោយមាន​សិស្ស​-​និស្សិត ចំនួន ២៥​ក្រុម មកពី​សាកល​វិទ្យា ល័យ​នានា ចូលរួម​ប្រកួត​តាំងពី​ខែ​....... រហូតដល់​ខែ​........ ឆ្នាំ​២០១៨ ដោយ​ក្រុម​នីមួយៗ​ប្រកួតប្រជែង​លើ​ប្រធានបទ​ផ្សេងៗ​គ្នា​រួមមាន សុវត្ថិភាព​ចំណីអាហារ ការកែលម្អ​សហគមន៍​ទេសចរណ៍​-​អេកូ​ទេសចរណ៍ បញ្ហា​បរិស្ថាន និង​ការងារ​សប្បុរសធម៌ ជាដើម​។ ក្នុងចំណោម ២៥​ក្រុម​នោះ យើង​បាន​ប្រឡង​ជម្រុះ យក ៦​ក្រុម​ចុងក្រោយ ហើយ​ក្រុម​ទទួលបាន​ចំណាត់ថ្នាក់​លេខ​១ បាន​ទៅលើ​ក្រុម​................​មកពី​សាកលវិទ្យាល័យ​................................ លើ​ប្រធានបទ​......................................»​។



នៅក្នុង​ឱកាស​នោះ លោក​បណ្ឌិត លី ឆេង បាន​ថ្លែងអំណរគុណ​យ៉ាង​ជ្រាលជ្រៅ និង​កោតសរសើរ​ដោយស្មោះ​ចំពោះ​ការដឹកនាំ​របស់លោក ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា​ដែលជា​និច្ចកាល​តែងតែ​យកចិត្តទុកដាក់​ផ្តល់ឱកាស​ដល់​យុវជន​កម្ពុជា​ឲ្យបាន​ចូលរួម​ក្នុង​កិច្ចការ​សង្គម​ជាច្រើន​ជាពិសេស​លោក​បាន​ខិតខំ​ដឹកនាំ​យុវជន​លើកកម្ពស់​កិត្តិយស​ជាតិ​នៅលើ​ឆាក​អន្តរជាតិ តាមរយៈ​ការ​បំបែក​កំណត់ត្រា​ពិភពលោក Guinness World Record ដូចជា អន្សម​យក្ស​អង្គរ​សង្ក្រាន្ត (៣.២​តោន​) ការ​រាំ​ចង្វាក់​ម៉ា​ឌី​ហ្សូ​ន (២០១៥​នាក់​) ក្រមា​វែង​ជាងគេ (១,១៤៩​ម៉ែត្រ​) និង​ទូក​-​ងរ​វែង​ជាងគេ (៨៧.៣​ម៉ែត្រ​)​។ ចំពោះ​វីរៈភាព​របស់ លោក​ប្រធាន ធ្វើឲ្យ​អង្គការ​អន្តរជាតិ​ជាច្រើន បាន​លើកទឹកចិត្ត និង​ផ្តល់​កិត្តិយស​ជូន​នូវ​ពានរង្វាន់ និង​គ្រឿង​ឥស្សរិយយស​ដូចជា ពានរង្វាន់​សន្តិភាព «GUSI Peace Prize» ពី​ប្រទេស​ហ្វីលីពីន ពានរង្វាន់​ប្រជាជន​អាស៊ាន «The ASEAN People’s Award» ពី​ប្រទេស​ម៉ាឡេស៊ី និង​គ្រឿង​ឥស្សរិយយស Padma Shri​ពី​ប្រទេស​ឥណ្ឌា ជាដើម​។​


​
ចំណែក​លោក ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា បាន​មានប្រសាសន៍ថា «​កម្មវិធី​ប្រកួតប្រជែង​នៅថ្ងៃនេះ ជា​កម្មវិធី​មួយ​ដ៏​មាន​សារៈសំខាន់ ដើម្បី​ជួយ​ឲ្យ​យុវជន​បាន​ប្រើប្រាស់​បញ្ញាញាណ ទស្សនៈ ទេពកោសល្យ និង​គំនិត​ឆ្នៃប្រឌិត​ផ្សេងៗ ពិសេស​បង្ហាត់បង្រៀន​ឲ្យ​យុវជន​ចេះ​រៀនធ្វើការ​ងារ​ជា​ក្រុម ស្របទៅនឹង​គោលនយោបាយ​របស់​រាជ​រដ្ឋាភិបាល ដែល​បាន​កំណត់ថា “​យុវជន ជា​អ្នក​បន្តវេន​មិនអាច​ខ្វះ​បាន និង​ជា​សសរទ្រូង​ដ៏​រឹងមាំ ធ្វើឲ្យ​ប្រទេសជាតិ​រីកចម្រើន​”​។



លោក​បាន​ថ្លែង​ជំរុញ​ដល់​យុវជន​ទាំងអស់ ត្រូវខិតខំ​ប្រឹងប្រែង​រៀនសូត្រ និង​ចូលរួម​ប្រកួតប្រជែង​ក្នុង​កម្មវិធី​ផ្សេងៗ​ទៀត​ឲ្យបាន​ច្រើន ដើម្បី​ក្លាយខ្លួនជា​ធនធានមនុស្ស​ដ៏​សំខាន់ សម្រាប់​ចូលរួម​អភិវឌ្ឍន៍​ប្រទេសជាតិ​យើង​»​។



ក្នុងឱកាស​នោះ​ដែរ លោក ស៊ាន បូរ៉ា​ត បាន​មានប្រសាសន៍ថា កម្មវិធី​ប្រកួតប្រជែង​គម្រោង​តាមរយៈ​ការបង្កើត និង​ការអនុវត្តន៍​គម្រោង​នេះ គឺ​ពិតជា​បានផ្ដល់​ឱកាស​ដល់​សិស្សានុសិស្ស ដែល​កំពុង​សិក្សា​នៅតាម​គ្រឹះស្ថាន​អប់រំ​នានា ក្នុង​ទូទាំង​ព្រះរាជាណាចក្រ​កម្ពុជា អាច​បញ្ចេញ​នូវ​ទស្សនៈ ទេពកោសល្យ និង​គំនិត​ច្នៃប្រឌិត​ផ្សេងៗ​ជាពិសេស​ការ​រៀន​ធ្វើ​ការងារ​ជា​ក្រុម ដើម្បី​សង្គមជាតិ វិធីសាស្ត្រ​ក្នុងការ​ពង្រឹង​ទំនាក់​ទំនងជា​សាធារណៈ និង​ការបណ្ដុះ​ចិត្តគំនិត បញ្ញា​ស្មារតី​ឲ្យ​មាន​ភាពប្រាកដនិយម និង​ច្បាស់លាស់​។ លោក​បន្តថា កម្មវិធី​ដើម្បី​ស្ដារ​សង្គមជាតិ​យើង​អាចធ្វើ​បាន រដូវ​កាល​ទី​២ របស់​គម្រោង​ចិត្ត​ដូចគ្នា​ដែល​បាន​នឹង​កំពុង​ប្រារព្ធ​ប្រកាស​លទ្ធផល​ជ័យលាភី​ជា​ផ្លូវការ​នាពេលនេះ គឺ​ពិតជា​ការ​ត្រួសត្រាយ​ផ្លូវ​មាគ៌ា​ដ៏​ល្អ​ផូរផង់​មួយ​សម្រាប់​យុវជន​របស់​យើង ដែលជា​ធនធាន​អ្នក​បន្តវេន​ប្រកបដោយ​ថាមពល​របស់​ប្រទេសជាតិ​យ៉ាងពិត​ប្រាកដ​។



លោក ស៊ាន បូរ៉ា​ត បាន​បញ្ជាក់​ថា ដើម្បី​សង្គមជាតិ​មានការ​អភិវឌ្ឍ​ឲ្យ​បាន​ខ្លាំងក្លា​ជាង​នេះ​ថែមទៀត​នោះ យើង​គួរ​គប្បី​បន្ត​ផ្ដល់​នូវ​ការលើកទឹកចិត្ត​ឲ្យមាន​ការចូលរួមចំណែក​យ៉ាងសកម្ម​បំផុត​ពី​សំណាក់​យុវជន​ទាំង​ក្នុង និង​ក្រៅ​ប្រព័ន្ធ​អប់រំ ធ្វើយ៉ាងណា​អោយ​ពួកគេ​ក្លាយទៅជា​គោលដៅ​វិនិយោគ​ដ៏​សំខាន់​ប្រកបដោយ​ភាព​ទាក់ទាញ និង​មាន​លក្ខណៈ​ប្រកួតប្រជែង​ទាំង​ក្នុង​កម្រិត​ជាតិ​កម្រិត​តំបន់ និង​ពិភពលោក​។ ការចូលរួមចំណែក​នេះ គឺ​ពិតជា​អាចជួយ​លើកកម្ពស់​កម្ពុជា​ឲ្យ​ក្លាយទៅជា​ប្រទេសមួយ ដែលមាន​ការអភិវឌ្ឍ​ន៍​កម្រិត​ខ្ពស់​នា​ពេល​អនាគត​៕

Source: Kampuchea Thmey Daily