សហគមន៍សង្ឃរុក្ខវ័ន្ត បានរៀបចំវគ្គបណ្ដុះបណ្ដាលរួមគ្នា ស្តីពីការកសាងសមត្ថភាព លើការតាមដាន និងអង្កេតសត្វព្រៃទៅដល់មន្ត្រីឧទ្យានុរក្ស និងសមាជិកសហគមន៍

Cambodia News January 26, 2019

ឧត្តរមានជ័យ ៖ នៅទីស្នាក់ការ ភ្នំរូងដែក នៃមន្ទីរបរិស្ថាន ខេត្តឧត្ដរមានជ័យ បានសហការជាមួយសហគមន៍សង្ឃរុក្ខវ័ន្ត រៀបចំវគ្គបណ្ដុះបណ្ដាលរួមគ្នា ស្ដីអំពីការកសាងសមត្ថភាពលើការតាមដាននិងអង្កេតសត្វព្រៃទៅដល់មន្ត្រីឧទ្យានុរក្ស និងសមាជិកសហគមន៍ ដែលមានវគ្គបណ្ដុះបណ្ដាលចាប់ពីថ្ងៃទី២៥មករា ដល់ថ្ងៃទី២៦ ខែមករា ឆ្នាំ២០១៩ ក្រោមអធិបតីភាព លោក វ៉ាត ប៉ារ៉ានីន អភិបាលរងខេត្តឧត្តរមានជ័យ តំណាងដ៏ខ្ពង់ខ្ពស់របស់ឯកឧត្ដម ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ លោក ភួង លីណា ប្រធានមន្ទីរបរិស្ថានខេត្តឧត្តរមានជ័យ មន្ត្រីឧទ្យានុរក្ស និងសមាជិកសហគមន៍សរុប៣៥នាក់។

វគ្គបណ្ដុះបណ្ដាលនេះ មានគោលបំណងសំខាន់ៗ ណែនាំអំពីការអង្កេតសត្វព្រៃ ការដាក់កាមេរ៉ាដោយស្វ័យប្រវត្តិ និងការតាមដានសត្វនៅក្នុងព្រៃ។ ក្នុងនោះផងដែរ ក្រុមការងារបាននាំម្ចាស់ជំនួយចុះពិនិត្យជាក់ស្តែងនៅទីតាំងចំណុចភ្នំរូងដែក ដើម្បីពិនិត្យមើលស្ថានភាពទីតាំងសត្វ នៅទីនោះ។ កម្មវិធីនេះ ឧបត្ថម្ភដោយអង្គការពន្លកខ្មែរ និងចូលរួមគាំទ្រដោយអង្គការ ARC ៕