ឧត្តរមានជ័យ ៖ កម្លាំង នៃអធិការដ្ឋាននគរបាលស្រុកត្រពាំងប្រាសាទ ដឹកនាំដោយ លោក វរសេនីយ៍ឯក អិន កាយ អធិការនគរបាលស្រុក បានចុះបង្ក្រាបល្បែងស៊ីសង (អាប៉ោង) មួយកន្លែង កាលពីវេលាម៉ោង៥និង៣០នាទីរសៀល ថ្ងៃទី១៨ ខែមករា ឆ្នាំ២០១៩ ស្ថិតក្នុងភូមិពពេល ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ។
ក្នុងនោះ សមត្ថកិច្ចឃាត់ខ្លួនមនុស្សបានចំនួន០២នាក់ យកមកធ្វើការអប់រំ ៖
១.ឈ្មោះ អ៊ឹម សិទ្ធិ ភេទប្រុស អាយុ៦០ឆ្នាំ ទីលំនៅ ភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។
២.ឈ្មោះ ខាំ វី ភេទប្រុស អាយុ៤០ឆ្នាំ ទីលំនៅ ភូមិចារការ ឃុំចារឈូក ស្រុកអង្គរជុំ ខេត្តសៀមរាប ។
ក្នុងការចុះបង្ក្រាបល្បែងស៊ីសងខាងលើ សមត្ថកិច្ចបានដកហូតវត្ថុតាងរួមមាន ម៉ូតូ០១គ្រឿង ម៉ាកហុងដាឌ្រីម សេ១២៥ ស៊េរីឆ្នាំ២០១០ ពណ៌ខ្មៅ ពាក់ស្លាកលេខ សៀមរាប1K.2281 មេអាប៉ោងចំនួន ១០គ្រាប់ ទូរស័ព្ទដៃចំនួន០២គ្រឿង លុយខ្មែរចំនួន២២០,០០០រៀល (ម្ភៃពីរម៉ឺនរៀលគត់)។
បច្ចុប្បន្ន សមត្ថកិច្ច បានធ្វើការអប់រំ រួចឲ្យវិលទៅលំនៅដ្ឋានវិញរៀងៗខ្លួន៕
Source: Kampuchea Thmey Daily
0 Comments