ឧត្តរមានជ័យ ៖ មានករណីភ្លើងឆាបឆេះតូបលក់អីវ៉ាន់១កន្លែង កាលពីវេលាម៉ោង២៣និង២០នាទីយប់ ថ្ងៃទី១៤ ខែកុម្ភៈ ឆ្នាំ២០១៩ នៅភូមិស្រែល្អ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ។
សមត្ថកិច្ចបានឲ្យដឹងថា តូបលក់អីវ៉ាន់ ដែលជនសង្ស័យលួចដុតនោះ មានទំហំ ៣ x៤ម៉ែត្រ ហើយសម្ភារៈខូចខាតរួមមាន គ្រឿងឧបភោគបរិភោគ ដែលគិតជាទឹកប្រាក់ចំនួន១,៧០០ដុល្លារ។ ម្ចាស់តូបមាន ឈ្មោះ ខេត ផល្លា ភេទស្រី អាយុ៣៥ឆ្នាំ មុខរបរកសិករ រស់នៅភូមិស្រែល្អ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ។
សមត្ថកិច្ចបានឲ្យដឹងទៀតថា មូលហេតុដែលបណ្តាលឲ្យមានអគ្គិភ័យខាងលើនេះកើតឡើង សង្ស័យមានគេលួចដុត ហើយសមត្ថកិច្ចកំពុងចុះស្រាវជ្រាវតាមចាប់ជនសង្ស័យ ដើម្បីចាត់ការទៅតាមនីតិវិធី៕
Source: Kampuchea Thmey Daily
0 Comments