ភ្នំពេញ ៖ កម្លាំងគណៈបញ្ជាការឯកភាពខណ្ឌឫស្សីកែវ ដឹកនាំដោយ លោក ប្រាជ្ញ សីហា អភិបាលរងខណ្ឌ ចុះរដ្ឋបាលនៅតំបន់មិនរៀបរយ ហើយបានធ្វើការបង្ក្រាប និងដកហូតទូហ្គេម២ទីតាំង ស្ថិតនៅខាងក្រោយប៉ុស្តិ៍ទួលសង្កែ។
ការចុះធ្វើរដ្ឋបាលខាងលើ ធ្វើឡើងកាលពីវេលាម៉ោង៤រសៀល ថ្ងៃទី១៤ ខែកុម្ភៈ ឆ្នាំ២០១៩ ខាងក្រោយប៉ុស្តិ៍ទួលសង្កែ១ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ។
អាជ្ញាធរបានឲ្យដឹងថា ក្នុងការចុះរដ្ឋបាលខាងលើ បានដកហូតទូហ្គេមចំនួន៦គ្រឿង ក្នុងនោះ៤គ្រឿង ជាប្រភេទហ្គេមបៀរ ២គ្រឿងទៀត ជាប្រភេទហ្គេមបាញ់ត្រី និងឃាត់ខ្លួនមនុស្ស ប្រុស ស្រី៣នាក់ យកមកអប់រំ ដោះលែងវិញ។
បច្ចុប្បន្ន សម្ភារៈដែលបានដកហូត បាននាំខ្លួនទៅអធិការខណ្ឌឫស្សីកែវ ដើម្បីចាត់ការតាមនីតិវិធីច្បាប់។
សូមបញ្ជាក់ថា ម្ចាស់ល្បែងស៊ីសង២ទីតាំងខាងលើ ដោយអាងខ្នងធំនៅពីក្រោយ មិនដែលខ្លាចអ្នកណាឡើយ សូម្បីតែប៉ូលិស ក៏គេមិនខ្លាចដែរ៕
Source: Kampuchea Thmey Daily
0 Comments