ឧត្តរមានជ័យ ៖ កម្លាំងមូលដ្ឋានអាវុធហត្ថស្រុកអន្លង់វែងចំនួន៧នាក់ ដឹកនាំដោយលោកវរសេនីយ៍ទោ ងួន ទ្ធីរិទ្ធ មេបញ្ជាការអ.ហស្រុក ចុះបង្ក្រាបករណីប្រើប្រាស់ និងចែកចាយគ្រឿងញៀន នៅចំណុចផ្ទះសំណាក់មនោរម្យ កាលពីវេលាម៉ោង១២និង៣០នាទី ថ្ងៃទី១៨ ខែកុម្ភៈ ឆ្នាំ២០១៩ ស្ថិតនៅក្នុងភូមិអូរជញ្ចៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ជាលទ្ធផលអ.ហស្រុកឃាត់ខ្លួនជនសង្ស័យចំនួន០២នាក់ រួមជាមួយវត្ថុតាងមួយចំនួន។
ជនសង្ស័យ ដែលមូលដ្ឋានអាវុធហត្ថស្រុកឃាត់ខ្លួនបានចំនួន២នាក់ខាងលើនោះ មានឈ្មោះដូចខាងក្រោម ៖
១/ឈ្មោះ កែវ វិចាន់ណា ភេទប្រុស អាយុ២៨ឆ្នាំ មុខរបរមិនពិតប្រាកដ រស់នៅភូមិប្រលាន ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
២/ឈ្មោះ ណម សុឃឿន ភេទប្រុស អាយុ២៣ឆ្នាំ មុខរបរកម្មករ រស់នៅភូមិ លំទងថ្មី ឃុំលំទង ស្រុកអន្លង់វែង ខេត្តឧត្តរមានជ័យ។
លោកវរសេនីយ៍ទោ ងួន ទ្ធីរិទ្ធ មេបញ្ជាការមូលដ្ឋានអាវុធហត្ថស្រុក បានឲ្យដឹងថា ការដែលចុះបង្ក្រាបជនសង្ស័យ២នាក់ ខាងលើ កម្លាំងយើងបានដកហូតវត្ថុតាងដូចខាងក្រោម ៖
១/ម្សៅក្រាម ពណ៌ស (ម៉ាទឹកក)ចំនួន០៤ថង់ធំ និង០២ថង់តូច ស្មើ៩.៨២ក្រាម
២/ទូរស័ព្ទដៃ ម៉ាកណូគា(អ៊ិនចុចពិល)០១គ្រឿង
៣/ទូរស័ព្ទដៃម៉ាកស៊ិចទិច០១គ្រឿង
៤/ទូរស័ព្ទដៃម៉ាកខេមហ្វូន០១គ្រឿង
៥/ទូរស័ព្ទដៃម៉ាកអ៊ិលជី០១គ្រឿង
៦/អត្តសញ្ញាណប័ណ្ណប្រជាពលរដ្ឋ០១
៧/កាបូបដៃពណ៌ឈាមជ្រូក០១
៨/កាបូបដាក់ខោអាវពណ៏ខ្មៅ០១
៩/កាំបិតស្នៀត០១
១០/ប្រាក់ខ្មែរចំនួន៥០០០០រៀល(ប្រាំម៉ឺនរៀល)
បច្ចុប្បន្ន អ.ហ ស្រុក កំពុងកសាងសំណុំរឿងចាត់ការតាមផ្លូវច្បាប់៕
Source: Kampuchea Thmey Daily
0 Comments