ខេត្តកំពង់ចាម ប្រារព្ធពិធីអបអរសាទរទិវាអន្តរជាតិនារី៨មីនា ខួបលើកទី១០៨

Cambodia News March 08, 2019

កំពង់ចាម ៖ ថ្ងៃទី០៨ ខែមីនា ឆ្នាំ២០១៩ នៅស្នងការដ្ឋាននគរបាលខេត្ត បានប្រារព្ធពិធីអបអរសាទរខួបលើកទី១០៨ ទិវាអន្តរជាតិនារី៨មីនា ឆ្នាំ២០១៩ ក្រោមអធិបតីភាព ឯកឧត្តម គួច ចំរើន អភិបាល នៃគណៈអភិបាលខេត្តកំពង់ចាម និងលោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម ដោយមានការអញ្ជើញចូលរួមក្នុងពិធីនេះមាន លោក លោកស្រី និងថ្នាក់ដឹកនាំអង្គភាពចំណុះស្នងការដ្ឋាននគរបាលខេត្ត និងលោកស្រីជាភរិយា លោកស្រី នាងកញ្ញា ជាមន្ត្រីនគរបាលនារីចំណុះស្នងការដ្ឋាននគរបាល ខេត្តកំពង់ចាមទាំងអស់ សរុបចំនួន២៣៤នាក់។

គណៈអធិបតីបានលើកឡើងថា ទិវានារីអន្តរជាតិ៨មិនានេះ គឺធ្វើឡើងជារៀងរាល់ឆ្នាំ ដើម្បីរំលឹកវីរភាពតស៊ូរបស់នារីទូទាំងសកលលោក ដែលបានតស៊ូ ទាមទារឲ្យមានការលើកកម្ពស់សិទ្ធសេរីភាព សមភាពយេនឌ័រ ភាពស្មើគ្នារវាងបុរស និងនារីគ្រប់កាលៈទេសៈ គ្រប់ទីកន្លែង មិនថាតែនារីមានកាយសម្បទាគ្រប់គ្រាន់ ឬនារីពិការកាយសម្បទាមិនគ្រប់លក្ខណៈក៏ដោយ។

ក្នុងពិធីនោះ ឯកឧត្ដម អភិបាលខេត្ត បានឧបត្ថម្ភថវិកា ចំនួន៥,០០០,០០០៛(ប្រាំលានរៀល) ហើយលោកឧត្ដមសេនីយ៍ស្នងការ បានជូនថវិកាដល់នគរបាលជានារី និងភរិយាស្នងការរង និងភរិយានាយការិយាល័យ ភរិយាអធិការនគរបាលស្រុក ក្រុង ក្នុងម្នាក់ៗ ថវិកា២ម៉ឺនរៀល និងហូលផាមួង០១ក្បិន ផងដែរ៕