ឧត្តរមានជ័យ ៖ កាលពីថ្ងៃទី១២ ខែមីនា ឆ្នាំ២០១៩ វេលាម៉ោង១២និង២០នាទីយប់ នៅចំណុចចំរ៉ាក់ភ្នំ ពើយតារុន ចម្ងាយប្រហែល១៤០០ម៉ែត្រ ខាងកើត ភូមិដងទង់ សង្កាត់កូនក្រៀល ក្រុងសំរោង ខេត្តឧត្តរមានជ័យ មានកើតករណី ប្រជាពលរដ្ឋដើរជាន់មីន បណ្តាលអោយផ្ទុះ ដាច់ត្រឹមកជើងខាងស្តាំយ៉ាងធ្ងន់ធ្ងរ។
សមត្ថកិច្ចបានអោយដឹងថា មូលហេតុដើរឆ្លុះសត្វ ព្រៃនៅពេលយប់។ ជនរងគ្រោះមានឈ្មោះ ភាព សំណាង ភេទប្រុសអាយុ ២៨ឆ្នាំ មានទីលំនៅភូមិដងទង់ សង្កាត់កូនក្រៀល ក្រុងសំរោង ខេត្តឧត្តរមានជ័យ។
សមត្ថកិច្ចបានអោយដឹងទៀតថា បច្ចុប្បន្នជនរងគ្រោះត្រូវបានសមត្ថកិច្ចបញ្ជូនទៅព្យាបាលនៅមន្ទីរពេទ្យ ខេត្តឧត្តរមានជ័យ៕
Source: Kampuchea Thmey Daily
0 Comments