រតនគិរី ៖ បុរសម្នាក់ បានស្លាប់ភ្លាមៗ បន្ទាប់ពីចុះទៅក្នុងអណ្ដូងជីកយករ៉ែត្បូង ហើយត្រូវបានបាក់ដីសង្កត់ពីលើ។
ករណីស្លាប់បុរសម្នាក់ខាងលើនេះ បានកើតឡើងកាលពីវេលាម៉ោង២និង៣៥នាទីរសៀល ថ្ងៃអាទិត្យ ១២រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៣ ខែមីនា ឆ្នាំ២០១៩ ស្ថិតនៅក្នុងភូមិ១ ឃុំឡាមិញ ស្រុកបរកែវ។
សមត្ថកិច្ចនគរបាលស្រុកបរកែវបានឲ្យដឹងថា ជនរងគ្រោះមាន ឈ្មោះ ទីង ដ្វែល ភេទប្រុស អាយុ៥៨ឆ្នាំ ជនជាតិទំពួន មានមុខរបរ ប្រធានការិយាល័យវប្បធម៌ នៃស្រុកបរកែវ ខេត្តរតនគិរី មានទីលំនៅភូមិត្រុំ ស្រុកបរកែវ បានស្លាប់ដោយសារបាក់ដីសង្កត់ពីលើ។
ក្រោយកើតហេតុ កម្លាំងនគរបាលរដ្ឋបាលប៉ុស្តិ៍ឡាមិញ និងកម្លាំងជំនាញ នៃអធិការនគរបាលស្រុកបរកែវ បានចុះមកត្រួតពិនិត្យ និងធ្វើកោសល្យវិច័យរួចមក បានប្រគល់ទៅឲ្យសាច់ញាតិយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments