ខ្លោងទ្វារសាលាបឋមសិក្សា ហ៊ុន សែន អូស្មាច់ ដែលជាអំណោយរបស់ លោកឧកញ៉ា ម៉ាជីន ធៀន ត្រូវបានសម្ពោធដាក់ឲ្យប្រើប្រាស់ជាផ្លូវការ

Cambodia News March 27, 2019

ឧត្តរមានជ័យ ៖ នាព្រឹកថ្ងៃទី២៧ ខែមីនា ឆ្នាំ២០១៩នេះ លោកឧកញ៉ា ម៉ា ជីនធៀន ប្រធានក្រុមហ៊ុនពន្លឺម៉ាជីន ធៀន ខូអិលធីឌី និង លោកជំទាវ បានអញ្ជើញជាអធិបតីភាពកាត់ខ្សែបូ ដាក់ឲ្យប្រើប្រាស់ជាផ្លូវការខ្លោងទ្វារ សាលាបឋមសិក្សាអូស្មាច់ ស្ថិតនៅសង្កាត់អូស្មាច់ ក្រុងសំរោងខេត្តឧត្តរមានជ័យ។

ជាមួយគ្នានោះដែរ លោកឧកញ៉ា ម៉ាជីន ធៀន បានចែកសៀវភៅ និងប៊ិច ដល់សិស្សានុសិស្សចំនួន៦០០នាក់ ដោយក្នុងមួយនាក់ៗ ទទួលបានសៀវភៅមួយក្បាល ប៊ិចមួយដើម។

ដោយឡែក ដើម្បីឆ្លើយតបតាមសំណូមពររបស់ លោកគ្រូ អ្នកគ្រូ លោកឧកញ៉ា បានផ្តល់បន្ថែមអណ្ដូងទឹកមួយ និងផ្ទាំងសិលាចំនួន២ផ្ទាំង រួមទាំងផ្តល់ទឹកមួយថ្ងៃ៣ស៊ីទែន ដល់សាលារៀន និងព្រះចៅអធិការវត្តគីរីមង្គល សម្រាប់ប្រើប្រាស់ប្រចាំថ្ងៃផងដែរ។

គួរបញ្ជាក់ផងដែរថា បច្ចុប្បន្នសង្កាត់អូស្មាច់ ប្រជាពលរដ្ឋ កំពុងប្រឈមនឹងបញ្ហាខ្វះខាតទឹកប្រើប្រាស់ លោកចៅសង្កាត់អូស្មាច់ សំណូមពរឲ្យអាជ្ញាធរក្រុង/ខេត្ត ជួយដោះស្រាយជូនប្រជាពលរដ្ឋដែលរស់នៅក្នុងតំបន់នោះឲ្យបានទាន់ពេលវេលាផង ព្រោះពេលនេះ ពលរដ្ឋកំពុងតែប្រឈមនឹងការខ្វះទឹកប្រើប្រាស់មែនទែនហើយ៕