ប្រធានសហភាពអឺរ៉ុបលោក Donald Tusk បានថ្លែងកាលពីថ្ងៃពុធថា សហភាពអឺរ៉ុប អាចអនុម័តសំណើរបស់ចក្រភពអង់គ្លេសសម្រាប់ការពន្យារពេលខ្លីមួយចំពោះ Brexit ប៉ុន្តែលុះត្រាតែសមាជិកសភាអង់គ្លេសបោះឆ្នោតនៅសប្តាហ៍ក្រោយនេះតាមរយៈកិច្ចព្រម May ព្រៀងដកខ្លួនដែលពួកគេបានបដិសេធពីរដងរួចមកហើយ។
ខណៈនៅសល់រយៈពេលត្រឹមតែ៩ថ្ងៃប៉ុណ្ណោះមុនពេលអង់គ្លេសចាកចេញពីប្លុកនេះនោះ ប្រទេសនេះត្រូវបានគ្របដណ្តប់ដោយភាពមិនច្បាស់លាស់ជាមួយមតិឯកច្ឆន្ទតិចតួចបំផុតអំពីរបៀបដើម្បីទទូលជោគជ័យហើយថាតើសេចក្តីថ្លែងការណ៍របស់លោក Tusk ត្រូវបានទទួលយកជានិមិត្តសញ្ញាមួយដើម្បីលើកទឹកចិត្តដល់សមាជិកសភាឱ្យដាក់ឥទ្ធិពលលើកិច្ចព្រមព្រៀងរបស់លោកស្រី May ដោយរបៀបណាទៅ។
លោក Tusk បានប្រាប់ក្រុមអ្នកយកព័ត៌មានថា «ខ្ញុំជឿថា ការពន្យារពេលខ្លីនឹងអាចធ្វើទៅបានប៉ុន្តែវានឹងត្រូវផ្អែកលើការបោះឆ្នោតជាវិជ្ជមានលើកិច្ចព្រមព្រៀងដកខ្លួននៅក្នុងសភា»។
ស្របពេលជាមួយគ្នានោះ លោកស្រី May បានប្រាប់ជនរួមជាតិនៅក្នុងសុន្ទរកថាផ្សាយតាមទូរទស្សន៍មួយពីការិយាល័យ Downing Street កាលពីល្ងាចថ្ងៃពុធថា លោកស្រីនៅតែតាំងចិត្តដើម្បីផ្តល់ឱ្យ Brexit និងទាញចក្រភពអង់គ្លេសចេញពីវិបត្តិនយោបាយដ៏អាក្រក់បំផុតរបស់ខ្លួននៅក្នុងជំនាន់នេះ។
ក្រុមអ្នកតាក់តែងច្បាប់បានបដិសេធនូវកិច្ចព្រមព្រៀងរបស់លោកស្រី May ពីរដងមកហើយ ហើយការបោះឆ្នោតលើកទីបីដែលលោកស្រីនាយករដ្ឋមន្ត្រីសង្ឃឹមថានឹងធ្វើឡើងនៅសប្តាហ៍នេះគឺត្រូវបានលុបចោលដោយប្រធានសភាដោយលើកហេតុផលថា ការបោះឆ្នោតដូចគ្នានេះមិនអាចត្រូវបានរៀបចំធ្វើឡើងម្តងទៀតទេ។
ឥឡូវនេះលោកស្រី May ត្រូវធ្វើដំណើរទៅកាន់ទីក្រុងប្រ៊ូសសែលសម្រាប់កិច្ចប្រជុំកំពូលរបស់មេដឹកនាំសហភាពអឺរ៉ុបនៅថ្ងៃព្រហស្បតិ៍និងថ្ងៃសុក្រដែលនៅទីនោះ លោកស្រីសង្ឃឹមថានឹងទទួលបានកិច្ចព្រមព្រៀងមួយបន្ថែមទៅលើកិច្ចព្រមព្រៀងរបស់លោកស្រីដែលនឹងអនុញ្ញាតឱ្យលោកស្រីដាក់វាសម្រាប់ការបោះឆ្នោតមួយនៅសប្តាហ៍ក្រោយ៕ AFP
Source: Kampuchea Thmey Daily
0 Comments