ក្រុមបាល់ទាត់នារីក្រោមអាយុ១៩ឆ្នាំរបស់កម្ពុជា (U19) ស្ថិតនៅក្នុងពូល B ប្រចាំកម្មវិធីបាល់ទាត់នារីអាស៊ាន-ជប៉ុន JENESYS 2018 Japan-ASEAN Youth Sports Exchange (Women’s Football U19) នៅប្រទេសជប៉ុន ខណៈប្រកួតវគ្គជម្រុះតាមពូលចុងក្រោយបានប្រកួតស្មើជាមួយក្រុមឡាវ ខណៈប្រកួតឈ្នះបាន១លើក និងស្មើទល់១ និងចាញ់២លើក។
ពានរង្វាន់ JENESYS 2018 Japan-ASEAN Youth Sports Exchange មានក្រុមចូលរួមចំនួន១០ក្រុមដោយបែងចែកជា២ពូលផ្សេងគ្នា ដោយក្នុងនោះពូល A មានOkinawa Prefecture High School Women's Select Team របស់ជប៉ុន,U-19 នារីថៃ,U-19 នារីជប៉ុន,U-19 នារីវៀតណាម,U-19 នារីមីយ៉ាន់ម៉ា។ ចំណែកពូល B មានក្រុមVicsale Okinawa FC Nabiita Youth របស់ជប៉ុន,U-19 នារីឡាវ,U-19 នារីម៉ាឡេស៊ី,U-19 នារីសឹង្ហបុរី,U-19 នារីកម្ពុជា។ កម្មវិធីប្រកួតនេះធ្វើឡើងចាប់ពីថ្ងៃទី២ ដល់ទី៦ ខែមីនា ឆ្នាំ២០១៩ លើទីលានលើទីលានZanpa Point Ball Park/Yomitan Village Athletics Field នៅទីក្រុង Okinawa។
ប្រកួតចុងក្រោយប្រចាំពូលក្រុមកម្ពុជា បានចាញ់ក្រុមឡាវ ១ទល់១ នៅថ្ងៃអង្គារ ទី៥ ខែមីនា ឆ្នាំ២០១៩ ខណៈលទ្ធផលប្រកួតកន្លងក្រុមកម្ពុជា បានយកឈ្នះសឹង្ហបុរី ៤ទល់១ តែ បានចាញ់ម៉ាឡេស៊ី ៣ទល់០ ហើយបន្តចាញ់ក្រុមVicsale Okinawa FC Nabiita Youth ដោយលទ្ធផល៣ទល់០។ លទ្ធផលនេះក្រុមកម្ពុជា បានបាត់បង់ឱកាសឡើងទៅវគ្គខ្វែង។
សហព័ន្ធកីឡាបាល់ទាត់កម្ពុជា (ស.ប.ក) សម្រេចតែងតាំងអ្នកគ្រូ ឈឺន នីផា អ្នកគ្រូបង្វឹកក្រុមកីឡាករអាយុក្រោម១៥ភ្នំពេញក្រោន ឲ្យធ្វើជាគ្រូបង្គោលដឹកនាំក្រុមនារីជម្រើសជាតិអាយុក្រោម១៩ឆ្នាំ ដើម្បីចេញទៅប្រកួតលើឆាកអន្តរជាតិលើកនេះដែលចេញដំណើរទៅតាំងពីយប់ថ្ងៃអង្គារ សប្ដាហ៍មុននេះម្ល៉េះ៕
Source: Kampuchea Thmey Daily
0 Comments