ក្រុមបុគ្គលិកសុខាភិបាលដែលស្ថិតនៅត្រង់ចំណុចមួយនៃការផ្ទុះឡើងនៃជំងឺអេបូឡា នៃភាគខាងកើតសាធារណរដ្ឋប្រជាធិបតេយ្យកុងហ្គោបានគំរាមថានឹងធ្វើការប្រឆាំងតវ៉ានៅថ្ងៃពុធ ក៏ដូចជានៅសប្តាហ៍ក្រោយទៀត ប្រសិនបើអាជ្ញាធរមិនធ្វើអ្វីៗឲ្យបានច្រើនទៀតក្នុងការការពារដល់ខ្លួននោះ។
ការវាយប្រហារផ្ទួនៗទៅលើមជ្ឈមណ្ឌលព្យាបាលដោយក្រុមសកម្មប្រយុទ្ធប្រដាប់អាវុធព្រមទាំងសមាជិកនៃសហគមន៍ដែលគិតថា ជំងឺអេបូឡា គឺគ្រាន់តែជាការរួមគំនិតប្រព្រឹត្តអំពើទុច្ចរិតប្រឆាំងនឹងក្រុមការងាររបស់ខ្លួន ហើយរារាំងបង្អាក់ឆាឆៅទៅនឹងការឆ្លើយតបទៅនឹងករណីកើតមានជំងឺមរណៈនេះ ជាលើកទីពីរទៀតក្នុងប្រវត្តិសាស្ត្រ។
នៅក្នុងការវាយប្រហារជាលើកចុងក្រោយបង្អស់ទៅលើមន្ទីរពេទ្យមួយកន្លែង ក្នុងក្រុង Butembo នោះមន្ត្រីជាន់ខ្ពស់ម្នាក់នៃអង្គការសុខភាពពិភពលោកឯកទេសផ្នែកជំងឺរាតត្បាតដែលមកពីប្រទេសកាមេរ៉ូនត្រូវសម្លាប់ព្រមទាំងបុគ្គលិក២នាក់ទៀតរងរបួស កាលពីថ្ងៃសុក្រសប្តាហ៍មុន៕
រ៉យទ័រ
Source: Kampuchea Thmey Daily
0 Comments