កុមារទាំងឡាយដែលមានអាយុពី២ទៅដល់៤ឆ្នាំ ពុំគប្បីអនុញ្ញាតឲ្យប្រើពេលវេលាលើសពីមួយម៉ោង ជារៀងរាល់ថ្ងៃនៅពុំមុខអេក្រង់ឧបករណ៍អេឡិចត្រូនិកនោះទេ។ ហើយទារកដែលមានអាយុតិចជាង១ខួបក៏ពុំគួរណាឡើងត្រូវបានប៉ះពាល់ជាមួយអេក្រង់ អេឡិចត្រូនិកនោះដែរ។ អង្គការសុខភាពពិភពលោកបាននិយាយដូច្នេះកាលពីថ្ងៃពុធ។
ទីភ្នាក់ងារសហប្រជាជាតិនេះ បានដាក់ចេញនូវគោលការណ៍ណែនាំបែបនេះជាលើកទីមួយដោយបាននិយាយថា អាយុក្រោម៥ឆ្នាំគួរតែធ្វើសកម្មភាព រូបកាយព្រមទាំងគេង ឲ្យបានគ្រប់គ្រាន់ដើម្បីជួយអភិវឌ្ឍដល់ទម្លាប់រស់នៅឲ្យមានសុខភាពល្អយូរអង្វែង ព្រមទាំងបង្ការករណីកើតអាការៈធាត់ព្រមទាំងជំងឺតម្កាត់ផ្សេងៗទៀត នៅពេលអាយុច្រើនទៅហើយនោះ។ ការស្ថិតនៅមុខអេក្រង់ជាប់ជាប្រចាំនោះរួមមានមើលទូរទស្សន៍ វីដេអូឬលេងហ្គេមកុំព្យូទ័រ។
ការស្ថិតនៅមិនមានសកម្មភាពរូបកាយនាំដល់ការប្រឈមទៅនឹងកត្តាដែលអាចបណ្តាលឲ្យស្លាប់បានព្រមទាំងការកើនឡើងនៃអាការៈធាត់ ឬ លើសទម្ងន់រូបកាយ។ នេះជាការលើកឡើងពីអង្គការ WHO៕
រ៉យទ័រ
Source: Kampuchea Thmey Daily
0 Comments