ភ្នំពេញ ៖ លោកពេជ្រ កែវមុនី អភិបាលនៃគណៈអភិបាលខណ្ឌមានជ័យ កាលពីព្រឹកថ្ងៃទី៥ខែមេសា លោកបាននាំយកអំណោយរួមមានអង្ករនិងថវិកាផ្តល់ដល់ប្រជាការពារសាលាខណ្ឌចំនួន៥០នាក់។
លោកពេជ្រ កែវមុនី បានមានប្រសាសន៍ថា ដើម្បីជាការលើកទឹកចិត្តជូនដល់បងប្អូនប្រជាការពារសាលាខណ្ឌដែលជារៀងរាល់ថ្ងៃបងប្អូនបានខិតខំបំពេញការងារជូនដល់សាលាខណ្ឌទាំងយប់ទាំងថ្ងៃដោយគ្មានខ្លាចនឿយហត់ ឬ កណ្តាលថ្ងៃក្តៅនោះទេ។
លោកអភិបាលខណ្ឌបានបញ្ជាក់ទៀតថា កិច្ចចំពោះមុខបងប្អូនប្រជាការពារសព្វថ្ងៃគឺចុះរៀបសណ្តាប់ធ្នាប់និងការពារសន្តិសុខដោយសហការណ៍ជាមួយសមត្ថកិច្ចតាមការចាត់តាំងពីគណៈអភិបាលខណ្ឌ។
ក្រៅពីនេះបងប្អូនបានចុះធ្វើអនាម័យប្រមូលសំរាមតាមដងផ្លូវក្នុងមូលដ្ឋានខណ្ឌយ៉ាងសកម្មបំផុត។ ដូច្នេះហើយទើបជារៀងរាល់សប្តាហ៍លោកអភិបាលខណ្ឌមានជ័យបាននាំយកអំណោយមកផ្តល់ជូនបងប្អូនប្រជាការពារសាលាខណ្ឌទាំង៥០នាក់ដោយក្នុងម្នាក់ៗទទួលបានអង្ករមួយបាវនិងថវិកា១០,០០០០រៀលទៀតផង៕
Source: Kampuchea Thmey Daily
0 Comments