ភ្នំពេញ ៖ ពិតជាធ្វើឲ្យទស្សនិកជនមានការចាប់អារម្មណ៍និងភ្ញាក់ផ្អើលខ្លាំង ហើយកំពុងទន្ទឹងរង់ចាំទស្សនាដោយអន្ទះសា ក្រោយពេលដែលតារាចម្រៀងប្រុសដែលជាប់ងារជាតារាកំពូលទើសលោក ម៉ៃ សុគន្ធ ប្រកាសត្រៀមចេញជាផ្លូវការនូវMVបទ ស្នេហ៍ក្នុងសុបិន ភ្ជាប់ជាមួយរូបសកម្មភាពនៃការថតសម្តែងពីសំណាក់តួស្រីយ៉ាងសិចស៊ីស្រើបស្រាល។
តាមរយៈរូបភាពជាច្រើនសន្លឹក ដែលត្រូវបានតារាប្រុសម្ចាស់បទ ស្នេហ៍ក្នុងសុបិន បង្ហោះនៅលើបណ្តាញសង្គមហ្វេសប៊ុកបង្ហាញពីតួស្រីនោះ បាននិងកំពុងធ្វើឲ្យមហាជនចាប់អារម្មណ៍ខ្លាំងខណៈដែលរូបភាពទាំងនេះ គឺហាក់មានភាពសិចស៊ីស្រើបស្រាលបញ្ចេញគន់សុដន់មើលឃើញហើយធ្វើឲ្យប្រុសៗស្រៀវស្រើបស្ទើរគ្រប់គ្នា។
តួឯកស្រីដែលបង្ហាញខ្លួនសម្តែងក្នុងបទ ស្នេហ៍ក្នុងសុបិន របស់លោក ម៉ៃ សុគន្ធ ខាងលើនេះត្រូវបានគេស្គាល់ឈ្មោះកុសៈម៉ា លីនដា ដែលជាតារាសម្តែងស្រីមានឈ្មោះល្បីក្នុងវិថីសិល្បៈមួយរូបផងដែរ។ ទន្ទឹមគ្នានឹងការទម្លាយរូបភាពសិចស៊ីបញ្ចេញសាច់សុដន់ពីសំណាក់តារាស្រីកញ្ញា កុសៈម៉ា លីនដា នៅក្នុងMVបទ ស្នេហ៍ក្នុងសុបិន របស់លោក ម៉ៃ សុគន្ធ នេះដែរ បានធ្វើឲ្យទស្សនិកជនជាច្រើនកំពុងទន្ទឹងរង់ចាំទស្សនាសាច់រឿងពេញក្នុងបទនេះផងដែរ។
ជាការកត់សម្គាល់តាមរយៈបទ ស្នេហ៍ក្នុងសុបិន ច្រៀងដោយលោក ម៉ៃ សុគន្ធ នេះដែរគឺគេសង្កេតឃើញមានការគាំទ្រនិងចាប់អារម្មណ៍ច្រើនពីសំណាក់មហាជន និងស្រទាប់យុវវ័យ។ខណៈMVបទនេះ នឹងត្រូវបញ្ចេញផ្សព្វផ្សាយជាផ្លូវការនៅលើបណ្តាញសង្គមហ្វេសប៊ុកនិងយូធូបនាពេលឆាប់ៗនេះ បន្ទាប់ពីការថតចប់ហើយនោះ៕
Source: Kampuchea Thmey Daily
0 Comments