ជាមួយនឹងជ័យជំនះ២-១លើក្រុម Bolognaកាលពីថ្ងៃចន្ទ ពេលដែលកំហឹងបានកើតមានឡើងនៅក្នុងចំណោមក្រុមទាំង២ ពេលដែលកីឡាករ៣នាក់ ត្រូវបានអាជ្ញាកណ្តាលបណ្តេញចេញពីការប្រកួត ហើយនិងជម្លោះរវាងខ្សែបម្រើសញ្ជាតិបារាំង Tiemoue Bakayoko និងគ្រូបង្វឹក Gennaro Gattuso ។
ក្រុមរបស់លោក Gattuso បានឡើងមកឈរនៅលេខរៀងទី៥វិញ ពោកគឺមាន៣ពិន្ទុតាមពីក្រោយក្រុម Atalanta ដែលកំពុងក្តោបក្តាប់កៅអីលេងនៅ Champions League ជាមួយនឹង៣ប្រកួតទៀត ត្រូវលេងបញ្ចប់រដូវកាល។
គួរឲ្យដឹងថា ក្រុម AC Milanបានស្ថិតនៅក្រៅប្រព័ន្ធដណ្តើមកៅអីលេងនៅបាល់ទាត់អឺរ៉ុប ក្រោយពេលទាត់ស្មើជាមួយក្រុម Parma ហើយនិងចាញ់ក្រុម Torinoប៉ុន្តែបច្ចុប្បន្ន ពួកគេមានពិន្ទុស្មើនឹងក្រុម Romaដែលឈរនៅលេខរៀងទី៦។
ក្រុមជើងឯក Juventus និងក្រុមលេខ២ Nopaliធានាបានរួចទៅហើយកន្លែងរបស់ពួកគេនៅ Champions Leagueនារដូវកាលក្រោយ ប៉ុន្តែសម្រាប់កៅអី២កន្លែងដែលនៅសេសសល់ កំពុងតែប្រជែងគ្នារវាងក្រុម Inter Milanដែលមាន៦៣ពិន្ទុ បន្ទាប់មកក្រុម Atalantaមាន៦២ពិន្ទុ ក្រុម AC Milanមាន៥៩ពិន្ទុ ក្រុម Romaមាន៥៩ពិន្ទុ និងក្រុម Torinoមាន៥៧ពិន្ទុ។
ខ្សែបម្រើសញ្ជាតិអេស្ប៉ាញ Suso បានធ្វើឲ្យក្រុម AC Milanនាំមុខមុនក្រោយលេងបាន៣៧នាទី មុនពេលកីឡាករ Fabio Borini សម្រេចបានគ្រាប់បាល់ទី២នៅនាទី៦៧។
ទោះបីជាយ៉ាងណាក៏ដោយ កីឡាករ Mattia Destro របស់ក្រុម Bolognaដណ្តើមបាន១គ្រាប់វិញនៅនាទី៧២ ក្នុងនោះក្រុម AC Milanលេង១៥នាទីចុងក្រោយរបស់ខ្លួនជាមួយនឹងគ្នា១០នាក់ប៉ុណ្ណោះ ក្រោយខ្សែបម្រើ Lucas Paquetá ត្រូវបានគេបណ្តេញចេញពីការប្រកួត សម្រាប់ការប៉ះសម្តីគ្នាជាមួយអាជ្ញាកណ្តាល៕
Source: Kampuchea Thmey Daily
0 Comments