ឧត្តរមានជ័យ ៖ កម្លាំងមូលដ្ឋានកងរាជអាវុធហត្ថស្រុកអន្លង់វែងចំនួន០៦នាក់ ដឹកនាំដោយលោកវរសេនីយ៍ទោ ងួន ទ្ធីរិទ្ធ មេបញ្ជាការអ.ហស្រុក ចុះបង្ក្រាបករណីប្រើប្រាស់ និងចែកចាយសារធាតុញៀនខុសច្បាប់ កាលពីវេលាម៉ោង១៨និង៣០នាទី ថ្ងៃទី០៨ ខែឧសភា ឆ្នាំ២០១៩ នៅចំណុច ភូមិទួលកណ្តាល ឃុំត្រពាំងប្រិយ៍ ស្រុកអន្លង់វែង លទ្ធផលឃាត់ខ្លួនជនសង្ស័យចំនួន០៣នាក់
១/ឈ្មោះ ហ៊ាន លឹមហាន ភេទប្រុស អាយុ២៥ឆ្នាំ មុខរបរធ្វើស្រែ បច្ចុប្បន្ន រស់នៅ ភូមិ អូរចិញ្ចៀន ឃុំ/ស្រុក អន្លង់វែង។
២/ឈ្មោះ វ៉ាន សុភិន ភេទប្រុស អាយុ៣៩ឆ្នាំ មុខរបរធ្វើស្រែ ប/ច រស់នៅភូមិ ទួលកណ្កាល ឃុំ ត្រពាំងប្រិយ៍ ស្រុកអន្លង់វែង។
៣/ឈ្មោះ ភុំ ហេង ភេទប្រុស អាយុ២៩ឆ្នាំ មុខរបរធ្វើស្រែ បច្ចុប្បន្នរស់នៅភូមិអូរចិញ្ចៀន ឃុំស្រុក អន្លង់វែង។
យោងតាមបទបញ្ជាមេបញ្ជាការ(អហ)ខេត្ត ដោយមានការសម្របសម្រួលពីលោកព្រះរាជអាជ្ញាតុលាការខេត្ត នៅវេលាម៉ោង៩និង៤៨នាទីថ្ងៃទី០៨ ខែឧសភា ឆ្នាំ២០១៩ កម្លាំង អ ហ ស្រុកអន្លង់វែង ចំនួន០៣នាក់ ដឹកនាំដោយលោក វរសេនីយ៍ទោ ងួន ទ្ធីរិទ្ធ សហការជាមួយកម្លាំង អ ហ ស្រុកត្រពាំងប្រាសាទ ចំនួន០២នាក់ ដឹកនាំដោយ លោកអនុសេនីយ៍ឯក គង់ សម្បត្តិ មេបញ្ជាការរងស្រុក ត្រពាំងប្រាសាទ និងលោក សៀន ញ៉ ក្រុមប្រឹក្សាឃុំត្រពាំងប្រាសាទ បានធ្វើការឆែកឆេរផ្ទះរបស់ជនសង្ស័យ ឈ្មោះ វ៉ាន់ សឹង្ហា ភេទប្រុស អាយុ២២ឆ្នាំ មុខរបររត់តាក់ស៊ី លទ្ធផល ឃាត់ខ្លួនជនសង្ស័យចំនួន០២នាក់ទៀត បានឆែកឆេររកឃើញវត្ថុតាងរួមមាន ៖
១/ម្សៅក្រាមពណ៌ស(ម៉ាទឹកកក) ចំនួន២៥កញ្ចប់តូច ស្មើ(៣.៩១ក្រាម)
២/ដាវចំនួន០២ដើម
៣/ម៉ូតូវេវ ពណ៌ខ្មៅ គ្មានស្លាកលេខ ០១គ្រឿង
៤/ទូរស័ព្ទដៃចំនួន០២គ្រឿង
៥/ជញ្ជីងសម្រាប់ថ្លឹងថ្នាំញៀន០១
៦/ប្រាក់ខ្មែរ ចំនួនពីរសែនរៀល
៧/ប្រដាប់ជក់មួយចំនួនទៀត។
បច្ចុប្បន្ន ជនសង្ស័យ ព្រមទាំងវត្ថុតាង សមត្ថកិច្ច អ ហ ស្រុកអន្លង់វែង កំពុងកសាងសំណុំរឿងចាត់ការតាមផ្លូវច្បាប់៕
ចាន់ ធី
Source: Kampuchea Thmey Daily
0 Comments