ភ្នំពេញ ៖ ចាប់ពីដើមឆ្នាំ២០១៨ រហូតឈានចូលឆ្នាំ២០១៩នេះ អាជ្ញាធរខណ្ឌច្បារអំពៅបានចុះបើកការដ្ឋានស្ថាបនាផ្លូវចាក់ក្រាលបេតុងគ្រប់បណ្តាសង្កាត់ទាំង៨ក្នុងមូលដ្ឋានខណ្ឌច្បារអំពៅដើម្បីឲ្យប្រជាពលរដ្ឋបានធ្វើដំណើរងាយស្រួល។
កម្ពុជាថ្មីនៅចាំថា រាល់កិច្ចប្រជុំគឺលោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅបានស្នើឲ្យលោក លោកស្រីចៅសង្កាត់សហការជាមន្ត្រីការិយាល័យសាធារណការសាលាខណ្ឌចុះសិក្សានៅតាមបណ្តាផ្លូវលំ ដែលមិនទាន់បានចាក់ក្រាលបេតុង គឺត្រូវធ្វើរបាយការណ៍មកសាលាខណ្ឌដើម្បីធ្វើការស្នើសុំស្ថាបនា។ ហើយមុនពេលស្ថាបនាផ្លូវគឺត្រូវជីកដាក់ប្រព័ន្ធលូសង្ខាងផ្លូវកុំឲ្យជួបផលលំបាកនៅពេលដែលមានផ្លូវស្អាតតែគ្មានប្រព័ន្ធលូទៅវិញ។
ដោយឡែកនៅសង្កាត់ច្បារអំពៅទី២លោកយ៉ិន វុធ ជាចៅសង្កាត់បាននិយាយថា ក្នុងមូលដ្ឋានសង្កាត់របស់លោក គឺលែងមានផ្លូវលំទៀតហើយ ដែលទីតាំងណាក៏មានផ្លូវចាក់ក្រាលបេតុងដែរ។ ក្នុងនោះតាមបណ្តាផ្លូវចាក់បេតុងគឺលោកអភិបាលខណ្ឌច្បារអំពៅបានដាក់ភ្លើងបំភ្លឺផ្លូវដើម្បីងាយស្រួលដល់ប្រជាពលរដ្ឋធ្វើដំណើរពេលយប់ជៀសវាងជួបគ្រោះថ្នាក់ចរាចរណ៍និងអំពើចោរកម្ម៕
Source: Kampuchea Thmey Daily
0 Comments