រតនគិរី ៖ កម្លាំងអធិការនគរបាលស្រុកបរកែវ ចុះបង្ក្រាបករណីជួញដូរនិងប្រើប្រាស់នូវសារធាតុញៀនដោយខុសច្បាប់។
ករណីចុះបង្ក្រាបជួញដូរគ្រឿងញៀនធ្វើឡើង នៅវេលាម៉ោង១និង៣០នាទីរសៀល ថ្ងៃពុធ ១២រោច ឆ្នាំកុរ សំរឹទ្ធិស័ក ព.ស២៥៦២ ត្រូវនឹងថ្ងៃទី១ ខែមិថុនា ឆ្នាំ២០១៩នេះ ដោយកម្លាំងដើរល្បាតឃើញជនសង្ស័យម្នាក់ជិះម៉ូតូចូលក្នុងចម្ការស្វាយចន្ទីតាខៀវ ស្ថិតនៅក្ក្នុងភូមិ១ ឃុំឡាមិញ ស្រុកបរកែវ ខេត្តរតនគិរី។
មន្ត្រីនគរបាលស្រុកបរកែវបានឲ្យដឹងថា បានឃាត់ខ្លួនជនសង្ស័យម្នាក់ឈ្មោះ ហៀង បូណា "ហៅត្រូ"ភេទប្រុស អាយុ២០ឆ្នាំ ជនជាតិខ្មែរ មានស្រុកកំណើត និង ទីលំនៅភូមិ/ឃុំកើតហេតុខាងលើ មុខរបរមិនពិតប្រាកដ។
ក្រោយកើតហេតុសមត្ថកិច្ចបានដកហូតសម្ភារៈ រួមមាន ម្សៅក្រាម ពណ៌.សថ្លា សង្ស័យជាសារធាតុញៀនចំនួន២កញ្ចប់តូច និង,ម៉ូតូ១គ្រឿង ទូរស័ព្ទដៃ១គ្រឿងមិនស្គាល់ម៉ាក។
បច្ចុប្បន្នជនសង្ស័យរួមទាំងវត្ថុតាងយកមករក្សាទុកនៅអធិការដ្ឋាននគរបាលស្រុកបរកែវដើម្បី បំពេញសំណុំរឿងបញ្ជូនទៅតុលាការចាត់ការបន្តតាមនីតិវិធី៕
Source: Kampuchea Thmey Daily
0 Comments