ឧត្តរមានជ័យ ៖ មានករណីគ្រោះថ្នាក់ចរាចរណ៍មួយ(ក្រឡាប់រថយន្ត) លើផ្លូវជាតិលេខ៦៧ បានកើតឡើងកាលពីវេលាម៉ោង១៧និង៣៥នាទី ថ្ងៃទី០៣ ខែឧសភា ឆ្នាំ២០១៩ ស្ថិតនៅភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
សមត្ថកិច្ចបានឲ្យដឹងថា រថយន្តកូរ៉េ២តោនកន្លះ ពណ៌ស ពាក់ស្លាកលេខ ឧមជ៣A ,០១០៨ បើកបរដោយឈ្មោះ សួន ថៃ ភេទប្រុស អាយុ៣៣ឆ្នាំ រស់នៅ ភូមិកណ្តាលលើ ឃុំស្រុកអន្លង់វែង ស្រុកអន្លង់វែង របួសធ្ងន់ ត្រូវបានបញ្ជូនទៅព្យាបាលមន្ទីរពេទ្យប្រទេសថៃ។ ២.ឈ្មោះ សួន សុវណ្ណារិទ្ធ ភេទប្រុស អាយុ២៤ឆ្នាំ រស់នៅដូចគ្នាខាងលើអ្នករួមដំណើរ(របួសស្រាល)។
សមត្ថកិច្ចបានឲ្យដឹងទៀតថា មូលហេតុ រថយន្តបើកចុះពីលើភ្នំច្រកអន្តរជាតិជាំជាន់ហ្វ្រាំងមិនស៊ីបណ្ដាលឲ្យធ្លាក់ផ្លូវ ហើយក្រឡាប់តែម្តង។ បច្ចុប្បន្ន រថយន្តនៅនឹងកន្លែងកើតហេតុ៕
Source: Kampuchea Thmey Daily
0 Comments