អ្នកចាត់ការរបស់ក្លិប Man Cityលោក Pep Guardiola បានថ្លែងអំណរគុណយ៉ាងជ្រាលជ្រៅដល់កីឡាករ Vincent Kompany ក្រោយគ្រាប់បាល់របស់កីឡាករបែលហ្ស៊ិកម្នាក់នេះ បានជួយឲ្យពួកគេរកបានជ័យជំនះ១-០លើក្រុម Leicester City កាលពីថ្ងៃចន្ទ ដើម្បីធ្វើឲ្យក្រុមជើងឯកអង់គ្លេសមួយនេះ នៅសល់តែជ័យជំនះម្តងទៀតប៉ុណ្ណោះ ក្នុងការការពារបានជើងឯក Premier League ។
ក្រុម Man City បាននាំមុខក្រុម Liverpool១ពិន្ទុ ក្រោយជ័យជំនះមួយនេះ ពេលដែលកីឡាករ Kompany ស៊ុតបាល់ចូលទៅក្នុងជ្រុងម្ខាងនៃសំណាញ់ទីនៅនាទី២០ពីម៉ោងបញ្ចប់ការប្រកួត។
ក្រុម Guardiola នឹងក្លាយជាក្រុមលើកដំបូងគេក្នុងរយៈពេល១ទសវត្សរ៍កន្លងមកនេះ បើសិនជាពួកគេឈ្នះក្រុម Brighton នាថ្ងៃអាទិត្យខាងមុខនេះ ឬក្រុម Liverpoolចាញ់ក្រុម Wolves ។
កីឡាករ Kompany ដែលមានរបូសជាបន្តបន្ទាប់ក្នុងរយៈពេលប៉ុន្មានឆ្នាំកន្លងមកនេះ បានស្រក់ទឹកភ្នែកពេលដែលគាត់កាន់កូនរបស់គាត់ដើរចូលក្នុងទីលាននៅការប្រកួតចុងក្រោយក្នុងទឹកដី Etihad ដោយសារតែកុងត្រារបស់គាត់នឹងត្រូវផុតកំណត់នាដំណាច់រដូវកាលនេះ។
ក្រោយពេលយកឈ្នះក្រុម Newcastle៣-២ កាលពីយប់ថ្ងៃសៅរ៍ ក្រុម Liverpoolដែលមិនធ្លាប់ដែលឈ្នះជើងឯក Leagueទាល់តែសោះ ចាប់តាំងពីឆ្នាំ១៩៩០មកនោះ បានសង្ឃឹមថា ក្រុមរបស់លោក Brendan Rodgers នឹងអាចសម្រេចបានការងារធំ នៅក្នុងទឹកដី Etihad។
ក្រុម Leicesterលេងបានយ៉ាងចាប់អារម្មណ៍ ក្រោយពេលលោក Rodgers បានទទួលយកការងារចាត់ការកាលពីខែកុម្ភៈកន្លងទៅ៕
Source: Kampuchea Thmey Daily
0 Comments