ភ្នំពេញ ៖ ឯកឧត្តម យ៉ាង ជីឈី (Yang Jiechi) ទីប្រឹក្សា រដ្ឋ នៃសាធារណៈរដ្ឋប្រជាមានិតចិន បានថ្លែងថា ការរីកចម្រើនយ៉ាងឆាប់រហ័សលើគ្រប់វិស័យរបស់កម្ពុជា ជាកត្តាដែលនាំឱ្យប្រទេសចិននឹងបន្តជួយប្រទេសកម្ពុជាលើវិស័យ ជាច្រើនទៀត។ លោក អ៊ាង សុផល្លែត ជំនួយការសម្តេចតេជោនាយករដ្ឋមន្ត្រី បានប្រាប់ក្រុមអ្នកយកព័ត៌មានថា ក្នុងជំនួបសម្តែងការគួរសមជាមួយសម្តេចអគ្គមហាសេនាបតីតេជោ ហ៊ុន សែន នៅវិមានសន្តិភាព ក្នុងរាជធានីភ្នំពេញ នាព្រឹកថ្ងៃទី៣១ ខែធ្នូ ឆ្នាំ២០១៤នេះ ឯកឧត្តម យ៉ាង ជីឈី បានមានប្រសាសន៍ថា ក្នុងដំណើរទស្សនកិច្ចរបស់ឯកឧត្តមមកកាន់ប្រទេសកម្ពុជានៅពេលនេះ គឺឯកឧត្តមសូមសម្តែងនូវការអបអរសាទរ ចំពោះរាជរដ្ឋាភិបាលកម្ពុជា ពិសេសសម្តេចតេជោនាយករដ្ឋមន្ត្រីផ្ទាល់តែម្តង ព្រោះឯកឧត្តមបានមើលឃើញផ្ទាល់ភ្នែកចំពោះការរីកចម្រើន ជាវិជ្ជមានរបស់ប្រទេសកម្ពុជា ដែលក្នុងន័យនេះភាគីចិន នឹងបន្តជួយដល់កម្ពុជាបន្តទៅទៀត ពិសេសការសហការគ្នាលើវិស័យកសិកម្ម ធនធានទឹក ទូរគមនាគមន៍ ការពារជាតិ ការអនុវត្តច្បាប់ និងសហការ ក្នុងការប្រយុទ្ធប្រឆាំងទៅនឹងអំពើភេវកម្ម និងការជួយពង្រឹងដល់ជីវភាពរស់នៅរបស់ប្រជាជនកម្ពុជា។
ឯកឧត្តម យ៉ាង ជីឈី បានជម្រាបជូនសម្តេចតេជោអំពីលទ្ធផល នៃកិច្ចប្រជុំគណៈកម្មាធិការអន្តររដ្ឋាភិបាលកម្ពុជា-ចិន លើកទី២ ដែលភាគីទាំងពីរបានធ្វើការពិនិត្យ និងពិភាក្សាគ្នាទៅលើអ្វី ដែលបានអនុវត្តន៍ និងសហការនាពេលកន្លងមក ពិសេសបានដាក់ចេញនូវផែនការការងារមួយចំនួនទៀត ដើម្បីសហការគ្នាតទៅមុខទៀត ។ ឯកឧត្តម យ៉ាង ជីឈី មានប្រសាសន៍បន្តថា ឯកឧត្តមមានក្តីសប្បាយរីករាយខ្លាំងណាស់ ចំពោះការផ្លាស់ប្តូរនូវដំណើរទស្សនកិច្ចរបស់ថ្នាក់ដឹកនាំនៃប្រទេស ទាំងពីរ ។ ចំពោះ សំណើរបស់ឯកឧត្តមឧបនាយករដ្ឋមន្ត្រី ហោ ណាំហុង ដែលបានស្នើដល់ភាគីចិនក្នុងការជួយដល់ភាគីកម្ពុជា ក្នុងការធ្វើទំនើបកម្មលើវិស័យកសិកម្មនោះ ឯកឧត្ដមនឹងលើកទៅជូនថ្នាក់ដឹកនាំចិន ដើម្បីធ្វើការពិចារណា ។ ឯកឧត្តមក៏បានធ្វើការគូសបញ្ជាក់ដែរថា ភាគីចិន នឹងបន្តលើកទឹកចិត្តដល់អ្នកទេសចរ និងពាណិជ្ជករចិនមកធ្វើទស្សនកិច្ច និងវិនិយោគនៅកម្ពុជា ពិសេសគាំទ្រឱ្យមានការហោះ ហើរត្រង់មកកាន់កម្ពុជាឱ្យកាន់តែច្រើនឡើងថែមទៀតផង។
សម្តេចនាយក រដ្ឋមន្ត្រីបានសម្តែងនូវការអបអរសាទរ ចំពោះលទ្ធផលនៃជំនួបពិភាក្សារបស់គណៈកម្មាធិការអន្តររដ្ឋាភិបាល នៃប្រទេសកម្ពុជា-ចិន ដែលទទួលបានជោគជ័យដ៏ត្រចះត្រចង់បំផុត ។ សម្តេចតេជោនាយករដ្ឋមន្ត្រីក៏បានសម្តែងនូវសេចក្តីសប្បាយរីករាយ ចំពោះភាគីចិន ដែលជាដរាបរៀងមកតែងតែយកចិត្តទុកដាក់បំផុតចំពោះព្រះរាជសុខភាពរបស់ស ម្តេចម៉ែ និងព្រះរាជសុខភាពរបស់ព្រះមហាក្សត្រកម្ពុជានោះ។
សម្តេចនាយក រដ្ឋមន្ត្រីបានសម្តែងនូវការអបអរសាទរ ចំពោះលទ្ធផលនៃជំនួបពិភាក្សារបស់គណៈកម្មាធិការអន្តររដ្ឋាភិបាល នៃប្រទេសកម្ពុជា-ចិន ដែលទទួលបានជោគជ័យដ៏ត្រចះត្រចង់បំផុត ។ សម្តេចតេជោនាយករដ្ឋមន្ត្រីក៏បានសម្តែងនូវសេចក្តីសប្បាយរីករាយ ចំពោះភាគីចិន ដែលជាដរាបរៀងមកតែងតែយកចិត្តទុកដាក់បំផុតចំពោះព្រះរាជសុខភាពរបស់ស ម្តេចម៉ែ និងព្រះរាជសុខភាពរបស់ព្រះមហាក្សត្រកម្ពុជានោះ។
សម្តេចតេជោនាយករដ្ឋមន្ត្រីមានប្រសាសន៍បន្តថា ការផ្លាស់ប្តូរ នូវដំណើរទស្សនកិច្ចរបស់ថ្នាក់ដឹកនាំនៃប្រទេសទាំងពីរកម្ពុជា-ចិន គឺជាកត្តាសំខាន់ក្នុងជំរុញទំនាក់ទំនង ការអនុវត្តយុទ្ធសាស្ត្រគ្រប់ជ្រុងជ្រោយ នៃប្រទេសទាំងពីរឱ្យកាន់តែរឹងមាំ និងរីកចម្រើនទ្វេឡើងថែម ទៀត សម្រាប់ថ្នាក់ដឹកនាំរដ្ឋាភិបាល និងប្រជាជននៃប្រទេសទាំងពីរ៕
0 Comments