មេដឹកនាំកូរ៉េខាងជើងលោក គីម ជុងអ៊ុន (Kim Jong Un) បាននិយាយនៅថ្ងៃព្រហស្បតិ៍ថា លោកបើកចំហចំពោះចរចាកំរិតខ្ពស់បំផុតជាមួយប្រទេសកូរ៉េខាងត្បូង នៅពេលលោកអំពាវនាវឲ្យមានការកែលម្អមួយនៅក្នុងទំនាក់ទំនងឆ្លងដែនដែលតឹងតែងនោះ។ តាមទីភ្នាក់ងារសារព័ត៌មានយន់ហាប់ បានឲ្យដឹងថា សំណើនោះធ្វើឡើងនៅក្នុងសារចូលឆ្នាំថ្មីជាប្រពៃណីរបស់លោក ដែលផ្សាយបន្តផ្ទាល់តាមទូរទស្សន៍រដ្ឋ។
លោកនិយាយថា « យើងគួរតែសរសេរប្រវត្តិសាស្ត្រថ្មីមួយនៅក្នុងចំណងទាក់ទងរវាងកូរ៉េខាងជើង និងកូរ៉េខាងត្បូង។ ពុំមានហេតុផលណាមួយដែលយើងមិនបើកធ្វើការចរចាកំរិតខ្ពស់បំផុតនោះទេ។ លោកបានបន្ថែមទៀតថា «ការផ្លាស់ប្តូរដ៏ធំមួយ» នៅក្នុងទំនាក់ទំនងតានតឹងរវាងកូរ៉េទាំងពីរ ដែលនៅតែស្ថិតនៅក្នុងសង្គ្រាមបច្ចេកទេសនោះ។
សារនោះធ្វើឡើងប៉ុន្មានថ្ងៃ ក្រោយពីលោក រី អ៊ូ គីល ចាអេ (Ryoo Kihl Jae) រដ្ឋមន្រ្តីបង្រួបបង្រួមរបស់កូរ៉េខាងត្បូងទទួលបន្ទុកកិច្ចការរវាងកូរ៉េ និងកូរ៉េ បានស្នើសុំធ្វើការចរចាកំរិតខ្ពស់បំផុត ជាមួយប្រទេសកូរ៉េខាងជើងនៅក្នុងខែមករា។
ការចរចាថ្នាក់កំពូលផ្លូវការលើកចុងក្រោយ ត្រូវបានបើកធ្វើនៅខែកុម្ភៈ និងជាលទ្ធផលកូរ៉េខាងជើងរៀបចំឲ្យមានការជួបជុំបងបង្អូនសាច់ញាតិ ដ៏កម្រ ដែលបានបែកគ្នាដោយសារជម្លោះនោះ៕
រឹទ្ធ
0 Comments