ភ្នំពេញ ៖ កាលពីថ្ងៃទី២៧ ខែកក្កដា ឆ្នាំ២០១៥ មានហេតុការណ៍គ្រោះថ្នាក់ចរាចរណ៍ នៅទូទាំង ប្រទេសកើតឡើងចំនួន១៣លើក ក្នុងនោះយប់៨លើក, បណ្តាលឲ្យមនុស្សស្លាប់៩នាក់(ស្រីម្នាក់)របួសធ្ងន់១៣នាក់(ស្រី៤នាក់) និងរបួសស្រាល៦នាក់(ស្រី២នាក់) នេះបើយោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិ។
នៅក្នុងករណីគ្រោះថ្នាក់ចរាចរណ៍ទាំង ១៣លើកនេះ បានបង្កឲ្យមានការខូចខាតយានយន្តសរុប២១គ្រឿង ក្នុងនោះមានម៉ូតូចំនួន១៦គ្រឿង, រថយន្តធុនតូច៥គ្រឿង និងថ្មើរជើង៣នាក់។
ប្រភពព័ត៌មានខាងលើប្រាប់បន្តថា មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ រួមមាន ល្មើសល្បឿន៣លើក,មិនគោរពសិទ្ធ១លើក,ប្រជែងគ្រោះថ្នាក់២លើក,បត់គ្រោះថ្នាក់៣លើក និងថយរថយន្តថយកិនក្មេង១លើក។ចំពោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន២៣នាក់(យប់២នាក់)។
យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់បន្តទៀតថា កាលពីថ្ងៃទី២៧ ខែកក្កដា ឆ្នាំ២០១៥ រថយន្តទាំងអស់ដែលត្រូវផាកពិន័យសរុបចំនួន៥៩១គ្រឿង (រថយន្តធំ១៨៥គ្រឿង) ស្មើនិង៥៩១ករណី, ល្មើសក្រដាសស្នាម៣៥៧ គ្រឿង ស្មើនឹង៣៥៧ករណី, ចំពោះករណីល្មើសបច្ចេកទេស២៣៤ គ្រឿងស្មើនឹង២៣៤ករណី។ ដោយឡែកម៉ូតូត្រូវបានពិន័យសរុបចំនួន ១.០៩៩ គ្រឿង។
សូមបញ្ជាក់បន្ថែមថា រយៈពេល៣ថ្ងៃ គិតចាប់ពីថ្ងៃទី២៥ ដល់ថ្ងៃទី២៧ ខែកក្កដានេះ អ្នកស្លាប់ដោយសារគ្រោះថ្នាក់ចរាចរណ៍សរុប២៤នាក់ និងរងរបួស៦០នាក់៕
គ្រោះថ្នាក់ចរាចរណ៍ថ្ងៃទី២៧ ខែកក្កដាកើតឡើង១៣លើក ស្លាប់៩នាក់ របួសធ្ងន់ស្រាល១៩នាក់
0 Comments