បច្ចុប្បន្នតារាស៊ូពើស្តាម្នាក់ កំពុងសម្រាកនារដូវកាលរងាររយៈពេល២សប្តាហ៍ ក្រោយជួយក្រុម Real Madridឈ្នះការជើងឯកក្លិបបាល់ទាត់ Club World Cup នៅក្នុងទីក្រុង Morocco។
ក្រោយធ្វើដំណើរទៅកាន់ផ្ទះនៅតំបន់ Madeiraដើម្បីមើលរូបសំណាកថ្មីរបស់លោក ដែលទើបតែបានបង្ហាញកាលពីថ្ងៃចន្ទកន្លងទៅ កីឡាករវ័យ២៩ឆ្នាំម្នាក់នេះ មាននូវពេលវេលាដ៏សប្បាយរីករាយមួយជាមួយមិត្តស្រី Irina Shaykនិងកូនប្រុស Cristiano Jnrមុនពេលដែលគាត់វិលត្រឡប់មកកាន់ការប្រកួតវិញ ពេលជួបជាមួយក្រុម Valencia នៅថ្ងៃទី៤ ខែមករាខាងមុខនេះ។
លោកបានបង្ហោះរូបថតរបស់គាត់នៅលើគេហទំព័រInstagram ដោយឃើញគាត់គូរមុខជាមួយកូនប្រុស និងមិត្តស្រី។
ជាមួយនឹងរូបថតនេះ អតីតកីឡាកររបស់ក្លិប Man Utdម្នាក់នេះ បានសរសេរថា “រីករាយថ្ងៃវិស្សមកាល និងថ្ងៃឈប់សម្រាកជាមួយគ្នា”។
សូមបញ្ជាក់ថា វាមិនដូចគ្នានឹងកីឡាករលេងនៅក្របខណ្ឌបាល់ទាត់ Premier Leagueដែលជាប់នឹងការងារប្រកួតរបស់ពួកគេ ប៉ុន្តែសម្រាប់កីឡាករ Ronaldo និងតារាបាល់ទាត់នៅក្របខណ្ឌ La Ligaផ្សេងទៀត ដែលមានពេលសប្បាយអំឡុងរដូវកាលបុណ្យណូអែលរហូតដល់ថ្ងៃទី៣ ខែមករា ឆ្នាំ២០១៥ ទើបការប្រកួតរបស់ពួកគេចាប់ផ្តើមវិញ៕
0 Comments