ភ្នំពេញ ៖ យុវជនម្នាក់ត្រូវរថយន្តបើកកិនពីលើបណ្តាលឲ្យរងរបួសធ្ងន់ធ្ងរដោយសារតែបើកម៉ូតូឆ្លងផ្លូវទាក់ដៃចង្កូតជាមួយម៉ូតូមួយគ្រឿងទៀតដួលទៅលើផ្លូវគាប់ជួនមានរថយន្តស៊េរីទំនើបមកដល់បើកកិនហើយបើករត់បាត់កាលពីវេលាម៉ោងជាង២០យប់ ថ្ងៃទី ០៥ ខែមករា ឆ្នាំ២០១៥ នៅតាមផ្លូវព្រះស៊ីសុវត្ថិ ក្បែររង្គសាលទន្លេសាប ស្ថិតក្នុងសង្កាត់ស្រះចក ខណ្ឌដូនពេញ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនម្នាក់បើកម៉ូតូម៉ាកហុងដាស្កូបពី ពណ៌ទឹកប្រាក់ ពាក់ស្លាកលេខភ្នំពេញ 1BZ-9973 បើកតាមផ្លូវលេខ១៣ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ជនរងគ្រោះបានបើកម៉ូតូសរសៀរចូលផ្លូវព្រះស៊ីសុវត្ថិ បណ្តាលឲ្យប៉ះដៃចង្កូតម៉ូតូជាមួយម៉ូតូគ្រឿងទៀតមិនចាំម៉ាក បណ្ដាលឲ្យដួលម៉ូតូខ្ទាតគាប់ជួនមានរថយន្តឡិចស៊ីស៥៧០ មិនចាំស្លាកលេខដែលបើកតាមផ្លូវព្រះស៊ីសុវត្ថិ ក្នុងទិសដៅពីជើងទៅត្បូង បានបើកកិនពីលើជនរងគ្រោះបណ្តាលឲ្យរងរបួសធ្ងន់ធ្ងរហើយបន្ថែមល្បឿនបើករត់បាត់ដោយសុវត្ថិភាពតែម្តង។
ប្រភពព័ត៌មានដដែលបានបន្តទៀតថា ជនរងគ្រោះត្រូវបានរថយន្តសាមុយដឹកទៅសង្គ្រោះភ្លាមៗនៅមន្ទីរពេទ្យកាល់ម៉ែតចំណែកម៉ូតូរបស់ជនរងគ្រោះត្រូវបានបងប្អូនមកបើកយកទៅផ្ទះវិញ៕
រស្មី
0 Comments