កំពង់ស្ពឺ ៖ ជនសង្ស័យម្នាក់រួមទាំងវត្ថុតាង ត្រូវបានចាប់ខ្លួននិងដកហូតបាន ខណៈពេលប៉ូលិសស្រុកសំរោងទងចុះល្បាតពេលយប់តាមដងផ្លូវជាតិលេខ៤ក្នុងភូមិសាស្ត្រចំណុចភូមិកែវឧត្តម ឃុំត្រពាំង ស្រុកសំរោងទង ខេត្តកំពង់ស្ពឺ។
ជនសង្ស័យចែកចាយនិងប្រើប្រាស់គ្រឿងញៀនយ៉ាងសកម្មរូបនោះត្រូវបានសង្ស័យថា បានបោះគ្រឿងញៀនចោលពេលឃើញសមត្ថកិច្ចដើរល្បាតឬលាក់ទុកនៅចំណុចផ្សេង។
សកម្មភាពចាប់នេះបានធ្វើឡើងយប់ម៉ោង ១៩និង១០នាទី ថ្ងៃទី០៥ខែមករា ឆ្នាំ២០១៥ ជនសង្ស័យមានឈ្មោះវ៉ាត ដានីន(ហៅកឹក) ភេទប្រុស អាយុ២១ឆ្នាំរស់នៅភូមិកែឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ មុខរបរមិនពិតប្រាកដ។ ក្រោយពីចាប់បានជនសង្ស័យសមត្ថកិច្ចដកហូតបាន ម៉ាទឹកកក១កញ្ចប់រួមថង់សម្រាប់ច្រកគ្រឿងញៀនជាច្រើនដែរ។ នៅពេលកំលាំង ចុះល្បាតដល់ចំណុចខាងលើក៏ប្រទះឃើញមុខសញ្ញាជនសង្ស័យដើរលើផ្លូវកើតការសង្ស័យក៏ហៅសួរនាំនិងឆែកក្នុងខ្លួនក៏ប្រទះឃើញគ្រឿងញៀនទើបបញ្ជូនខ្លួនមកអធិការដ្ឋានដើម្បីសួរនាំ។
ប្រភពបន្តបញ្ជាក់ថា មុខសញ្ញាចែកចាយគ្រឿងញៀនម្នាក់នេះក៏ជាមុខសញ្ញាត្រូវតាមដានជាយូរមកហើយទើបតែពេលនេះទើបចាប់បាន។ ករណីបង្ក្រាបគ្រឿងញៀនជាបន្តបន្ទាប់មកនេះគឺកំលាំងនគរបាលស្រុកសំរោងទងបានបង្ក្រាបបានគ្រឿងញៀនក៏ដោយសារកំលាំងបានស្រាវជ្រាវយ៉ាងយកចិត្តទុកដាក់លើការងារបង្ក្រាបនិងការប្រើប្រាស់ចែចាយគ្រឿងនៅមូលដ្ឋាន។ បច្ចុប្បន្នជំនាញបន្តការសាកសួរកសាងសំណុំរឿងទៅឲ្យតុលាការចាត់ការតាមផ្លូវច្បាប់៕
ច្បារមន
0 Comments