មន្ត្រីសន្តិសុខម្នាក់និយាយថា អ្នកបំផ្ទុះគ្រាប់បែកអត្តឃាតម្នាក់ បានសម្លាប់មនុស្សយ៉ាងតិច២៦នាក់ នៅភាគកណ្តាល ប្រទេសយេមែន នៅថ្ងៃពុធនៅពេលនោះគាត់បានបំផ្ទុះខ្លួនឯង នៅក្នុងមណ្ឌលវប្បធម៌ ជាកន្លែងដែលពួកនិស្សិតកំពុងប្រារព្ធថ្ងៃខួបកំណើតរបស់ ព្យាការី លោក មហាម៉ាដ។
មន្ត្រីរូបនោះនិយាយថា តាមទីភ្នាក់ងារសារព័ត៌មានរដ្ឋ បានឲ្យដឹងថា មនុស្សយ៉ាងតិច៤៨នាក់ ក៏ត្រូវរបួសដែរ ដែលក្នុងនោះរួមមានស្រ្តី និងកូនក្មេងជាច្រើននាក់ ការប្រារព្ធនៅក្នុងទីក្រុងអ៊ីបនោះត្រូវបានរៀបចំដោយហ៊ូឌីស ជាក្រុមមូស្លីមស៊ីអ៊ីត ដែលគ្រប់គ្រងតំបន់ភាគច្រើននៅយេមែន។
ពុំមានអ្នកណាម្នាក់អះអាងទទួលខុសត្រូវចំពោះ ការវាយប្រហារនោះទេ ប៉ុន្តែការបំផ្ទុះគ្រាប់បែកដូចគ្នា ត្រូវបានធ្វើដោយក្រុមអាល់កៃដា នៅក្នុងឧបទ្វីបអារ៉ាប់ (AQAP) ដែលធ្វើប្រតិបត្តិការនៅក្នុងប្រទេសយេមែន និងចាត់ទុកពួកស៊ីអ៊ីតថា ជាពួកអ្នកប្រឆាំងនឹងសាសនាអញ្ញទិដ្ឋិ។
ភាពតានតឹងបានកើនឡើងនៅក្នុងប្រទេសយេមែន ចាប់តាំងពីក្រុមហ៊ូឌីស ដណ្តើមកាន់កាប់រដ្ឋធានីសាណា នៅក្នុងខែកញ្ញា និងបានពង្រីកភាគខាងត្បូង និងភាគខាងលិច។ ប្រទេសដែលចងសម្ព័ន្ធមិត្តជាមួយលោកខាងលិច ដែលមានព្រំដែនរួម ជាមួយប្រទេសនាំប្រេងចេញថ្នាក់កំពូលរបស់ពិភពលោក ប្រទេសអារ៉ាប៊ីសាអ៊ូឌីតនោះ បាននឹងកំពុងព្យាយាមទប់ទល់នឹងការគំរាមរបស់អាល់កៃដា មុនការរុលទៅមុខរបស់ក្រុមហ៊ូឌីស៕
រឹទ្ធ
0 Comments