រតនគិរី ៖ មន្ត្រីយោធាមួយរូបដែលទើបប្រកាសតែងតាំងឲ្យកាន់ដំណែងជាប្រធានប្រចាំប៉ុស្តិ៍រដ្ឋបាលភូមិភិ ឃុំសេសាន្ត ស្រុកអូរយ៉ាដាវ ខេត្តរតនគិរី ជំនួសតំណែងមេប៉ុស្តិ៍ចាស់ឈ្មោះ រចំ អែន ហៅសាំង ដែលជាប់ពាក់ព័ន្ធបទល្មើសព្រៃឈើនៅតាមជួរបន្ទាត់ព្រំដែន ត្រូវបានលោកព្រះរាជអាជ្ញាអមសាលាដំបូងខេត្តរតនគិរីធ្វើការកោះហៅ និងឃាត់ខ្លួនកាលពីថ្ងៃទី២៧ ខែធ្នូ ឆ្នាំ២០១៤ កន្លងទៅថ្មីៗនេះ។
តាមប្រភពពីមន្ត្រីយោធាម្នាក់ប្រចាំនៅប៉ុស្តិ៍ខាងលើបានឲ្យដឹងនៅព្រឹកថ្ងៃទី១២ ខែមករា ឆ្នាំ២០១៥ នេះថា មេប៉ុស្តិ៍ថ្មីដែលបានចងកស្លាប់និងខ្សែនីឡុងស្លាប់បាត់បង់ជីវិតនេះ ត្រូវបានគេស្គាល់ឈ្មោះ សេង វណ្ណី ហៅចិន ភេទប្រុស អាយុ៤៦ឆ្នាំ ជនជាតិខ្មែរ ជាមន្ត្រីយោធាឋានៈព្រិលបាលទោ មានប្រពន្ធឈ្មោះ គន្ធា និងមានកូនចំនួន៣នាក់ ស្រី២ ប្រុស១ រស់នៅក្នុងភូមិ ឃុំខាងលើ។ លោកបានបន្តទៀតថា មេប៉ុស្តិ៍ថ្មីដែលជាជនរងគ្រោះខាងលើទើបប្រកាសតែងតាំងកាលពីថ្ងៃ០៧ ខែមករា ឆ្នាំ២០១៥នេះប៉ុណ្ណោះ បានគិតខ្លីបញ្ចប់ជីវិតខ្លួនឯងដោយពុំដឹងមូលហេតុច្បាស់លាស់ បន្សល់ទុកឲ្យប្រពន្ធនិងកូនរស់នៅរងទុក្ខវេទនា។
ករណីធ្វើអត្តឃាតខ្លួនឯងបានសម្រេចរបស់ជនរងគ្រោះខាងលើបានកើតឡើងកាលពីវេលាម៉ោង៥និង០០នាទី នាព្រឹកថ្ងៃទី១២ ខែមករា ឆ្នាំ២០១៥ ស្ថិតនៅចំណុចទីតាំងរោងបាយ ក្នុងប៉ុស្តិ៍តែម្តង ដោយជនរងគ្រោះចងកនិងខ្សែនីឡុងដែលមានប្រវែងប្រមាណ៤,៥ម៉ែត្រ ចង់ជាប់និងឈើឃ្នាបចង្ក្រានបាយ មានកំពស់ពីដីប្រមាណ៣ម៉ែត្រ (កណ្ដាលរោង) ជនរងគ្រោះត្រូវបានអ្នករួមការងារ(ជាកូនចៅ)ម្នាក់ងើបដាំបាយ ឈ្មោះ ប៉ែន យិន ជាមនុស្សគ ភេទប្រុស ជនជាតិគ្រឹង បានប្រទះឃើញមុនគេ ក៏មានការឆោឡោភ្ញាក់ផ្អើលឡើងតាំងពីព្រឹកព្រលឹម បានធ្វើការវិការថា ឈ្មោះចិន ចង់កងស្លាប់ហើយនៅក្នុងរោងបាយ។
ក្រោយពេលកើតហេតុត្រូវបានកងកម្លាំងសមត្ថកិច្ចជំនាញរួមមានសមត្ថកិច្ចព្រហ្មទណ្ឌកម្រិតធ្ងន់នៃស្នងការនគរបាលខេត្ត ដឹកនាំដោយលោក ជា សុភ័ក្រ ព្រះរាជអាជ្ញារងអមសាលាដំបូងខេត្ត និងមានការរួមចំណែកពីវេជ្ជបណ្ឌិតលោក អេង គុណវុទ្ធី ប្រធានការិយាល័យបច្ចេកទេសនៃមន្ទីរសុខាភិបាលខេត្តរតនគិរី បានចុះទៅដល់កន្លែងកើតហេតុធ្វើកោសលវិច័យទៅលើសាកសព ពុំមែនជាករណីឃាតកម្មនោះឡើយ នៅក្នុងខ្លួនសពមានទូរស័ព្ទដៃមួយគ្រឿងម៉ាកអិនចុចពិល និងចិញ្ចៀនផ្លាកទីនមួយវង់ និងលុយខ្មែរ១១ម៉ឺន២ពាន់រៀល និងកូនសោ១ចង្កោម។
បច្ចុប្បន្នសាកសពខាងលើត្រូវកងកម្លាំងសមត្ថកិច្ចបានប្រគល់ឲ្យសាច់ញាតិក្រុមគ្រួសាររៀបចំធ្វើបុណ្យទៅតាមប្រពៃណីនៃព្រះពុទ្ធសាសនា៕
តាជួង
0 Comments