(៣)ការទាមទារនៃបណ្តឹងតប ចាំបាច់ត្រូវ មានទំនាក់ទំនងនឹងការទាមទារនៃបណ្តឹងដើម ឬ មានទំនាក់ទំនងនឹងមធ្យោបាយការពារខ្លួន ចំពោះការទាមទារនៃបណ្ដឹងដើម
បណ្តឹងតប គឺជាពាក្យសុំអោយតុលាការ វិនិច្ឆ័យ និង ចេញសាលក្រមចំពោះការទាមទារ ថ្មីនៅពេលបណ្តឹងកំពុងត្រូវបានចាត់ការ ដូចជា បន្ថែម ឬ ការផ្លាស់ប្តូរការទាមទារ ហេតុនេះ ហើយលក្ខខណ្ឌនៃបណ្តឹងតបនេះគឺត្រូវបានកំណត់ ដូចគ្នានឹងលក្ខខណ្ឌនៃការបន្ថែម ឬ ការផ្លាស់ប្តូរបណ្តឹងដោយដើមចោទដែរ។ មានន័យថា មិនចាំបាច់ទទួលស្គាល់រហូតដល់ការទាមទារ ដែលគ្មានទាក់ទងនឹងការទាមទារនៃបណ្តឹង ដើមទេ។ "ការទាមទារនៃបណ្តឹងតប ទាក់ទង នឹងការទាមទារនៃបណ្តឹងដើម" មានន័យថាការ ទាមទារនៃបណ្តឹងដើម និងការទាមទារនៃបណ្តឹង តប ពាក់ព័ន្ធនឹងកម្មវត្ថុដូចគ្នា ឬ កើតឡើងពី អង្គហេតុដូចគ្នា ដូចជាករណីដែលបណ្តឹងដើម និងបណ្តឹងតប មានខ្លឹមសារទាមទារអោយបញ្ជាក់ នូវកម្មសិទ្ធិលើកម្មវត្ថុដូចគ្នា ឬ ករណីដែល បណ្តឹងដើម និង បណ្តឹងតប មានខ្លឹមសារទាមទារ នូវសំណងការខូចខាតដោយមូលហេតុគ្រោះ ថ្នាក់ចរាចរណ៍ដូចគ្នាជាដើម។ "ការទាមទារនៃ បណ្តឹងតបទាក់ទងនឹងមធ្យោបាយការពារខ្លួន ចំពោះការទាមទារនៃបណ្តឹងដើម" មានដូចជា ករណីដែលអះអាងអង្គហេតុតវា៉អំពីការទូទាត់ សិទ្ធិលើបំណុលរបស់ដើមចោទ ដោយយកសិទ្ធិ លើបំណុលរបស់ចុងចម្លើយ ហើយដាក់បណ្តឹង តបទាមទារអោយសងប្រាក់ដែលនៅសល់ពី ការទូទាត់នោះមកវិញ ឬករណីដែលអះអាងអង្គ ហេតុតវា៉អំពីការលុបចោលកិច្ចសន្យាលក់ទិញ ដោយយកការឆបោកជាមូលហេតុ ចំពោះ បណ្តឹងដើមដែលទាមទារអោយបង់ប្រាក់លក់ទិញ ហើយដាក់បណ្តឹងតបទាមទារអោយសងនូវ សំណងការខូចខាត ដោយសារការឆបោកនោះជាដើម។
(៤)ការទាមទារនៃបណ្តឹងតប មិនត្រូវស្ថិតនៅ ក្រោមសមត្ថកិច្ចផ្តាច់មុខរបស់តុលាការដទៃទៀត
(៥)នីតិវិធីបណ្តឹងមិនមានការយឺតយ៉ាវ ខ្លាំង ដោយសារការដាក់បណ្តឹងតប
៣.វិធីដាក់ពាក្យបណ្តឹងតប និង ការចាត់ចែង បណ្តឹងតប
ចំពោះវិធីនៃការប្តឹងតប ត្រូវអនុវត្តតាមបញ្ញត្តិ ស្តីពីបណ្តឹងដើម។ ក្នុងករណីដែលមិនសមស្រប នឹងលក្ខខណ្ឌនៃបណ្តឹងតប តុលាការត្រូវបំបែក ចែករឿងក្តីនោះ ហើយចាត់ចែងបណ្តឹងតបជា បណ្តឹងឯករាជ្យមួយ និងត្រូវធ្វើការវិនិច្ឆ័យផ្សេង ពីគ្នា។ ក្នុងករណីដែលតុលាការផ្សេងមានសមត្ថ កិច្ចផ្តាច់មុខ តុលាការត្រូវផ្ទេរបណ្តឹងតបនោះ ទៅតុលាការនោះ៕
(ពន្យល់ក្រមនីតិវិធីរដ្ឋប្បវេណី)
អង្គ កុលបុត្រ
0 Comments