វីដេអូមួយ ត្រូវបានគេផ្សព្វផ្សាយបង្ហាញឲ្យឃើញបុរសស្បែកខ្មៅម្នាក់ កំពុងត្រូវបានមន្ត្រីប៉ូលិសសហរដ្ឋអាមេរិកបាញ់សម្លាប់នៅពេលលោកឈានជើងចេញពីរថយន្តមួយគ្រឿងលើកដៃឡើងលើនោះ។
លោក ចេរ៉េម រ៉េដ (Jereme Reid) ជាអ្នកធ្វើដំណើរម្នាក់ជិះរថយន្តមួយគ្រឿង ត្រូវបានប៉ូលិសអូសទាញចេញពីរថយន្តនៅប្រ៊ីដថឹន រដ្ឋញូវជឺស៊ី ពីបទបើកកាត់ភ្លើងសញ្ញាឈប់។ ករណីនេះ កើតឡើងបន្ទាប់ពីបាតុកម្មជាច្រើនខែប្រឆាំងនឹងការសម្លាប់បុរសស្បែកខ្មៅដែលគ្មានអាវុធ ដោយពួកមន្ត្រីប៉ូលិសស្បែកសនៅក្រុងញូវយក និងក្រុងហ្វ៊ើហ្កូសិន រដ្ឋមីសួរី។
ក៏ប៉ុន្តែប៉ូលិសម្នាក់ក្នុងចំណោមប៉ូលិសពីរនាក់ ដែលជាប់ពាក់ព័ន្ធនៅក្នុងការបាញ់សម្លាប់នៅប្រ៊ីដថិននោះ គឺជនជាតិស្បែកខ្មៅ។
មន្ត្រីប៉ូលិសម្នាក់បានស្រែកដាក់លោកចេរ៉េមរ៉េដឲ្យគាត់លើកដៃនិងព្រមានថា "ប្រសិនបើហ៊ានកម្រើកនោះនឹងត្រូវស្លាប់"។
ការសម្លាប់នៅថ្ងៃទី៣០ ខែធ្នូ បានបង្កឲ្យមានបាតុកម្មរួចទៅហើយ នៅប្រ៊ីដថិន ជាទីក្រុងមួយដែលមានប្រជាជនប្រហែល២៥.០០០នាក់ នៅខាងត្បូងហ្វ៊ើឡាដែលហ្វៀរ៕
រឹទ្ធ
0 Comments