ស្ដ្រីអាមេរិកកាត់កូរ៉េ ម្នាក់ត្រូវបានគេចោទ ប្រកាន់ពីបទនិយាយសរសើរប្រទេសកូរ៉េខាងជើង ដែលជាគូប្រជែងនៅក្នុងសុន្ទរកថាមួយកាលពីពេលថ្មីៗនេះនោះ ដោយនាងកំពុងត្រូវបានគេនិរទេសចេញពីប្រទេសកូរ៉េខាងត្បូងនៅថ្ងៃសៅរ៍ ដែលជាករណីចុងក្រោយបង្អស់នៅក្នុងករណីជាបន្ដបន្ទាប់ដែលពួកអ្នករិះគន់និយាយថា ជាការរំលោភលើសេរីភាពក្នុងការនិយាយរបស់ប្រទេស។
មន្ដ្រីទីភ្នាក់ងារលោកគីម ឌូ-យេអូល និយាយ ថា ទីភ្នាក់ងារអន្ដោប្រវេសន៍កូរ៉េ បានសម្រេចចិត្ដបណ្ដេញលោកស្រីស៊ីន អេអ៊ុន-មី អ្នករស់នៅរដ្ឋកាលីហ្វ័រនីញ៉ាឲ្យចេញពីប្រទេស ក្រោយពីពួកសុភាចារបុរសបានសម្រេចថា សេចក្ដីថ្លែងការណ៍របស់លោកស្រីបានរំលោភលើច្បាប់សន្ដិសុខជាតិរបស់ប្រទេសកូរ៉េខាងត្បូងមក។
លោកស្រីសីុន និយាយថា លោកស្រីនឹងធ្វើដំណើរតាមយន្ដហោះចេញពីប្រទេសកូរ៉េខាងត្បូងនៅល្ងាចថ្ងៃសៅរ៍ ប៉ុន្ដែលោកស្រីសង្ឃឹមថា នឹងអាចវិលត្រឡប់មកកាន់ប្រទេសកូរ៉េទាំងពីរនេះវិញ។
ឧបទ្វីបកូរ៉េ បើតាមលក្ខណៈបច្ចេកទេសនៅតែស្ថិតនៅក្នុងសង្គ្រាមនៅឡើយ និងការប្រេះឆាគ្នានៅតាមបណ្ដោយព្រំដែន ដែលមានការការពាររឹងមាំបំផុតរបស់ពិភពលោក ពីព្រោះសង្គ្រាមកូរ៉េពីឆ្នាំ១៩៥០ដល់ឆ្នាំ១៩៥៣ បានបញ្ចប់ជាមួយនឹងបទឈប់បាញ់មួយ មិនមែនជាកិច្ចព្រមព្រៀងសន្ដិភាពនោះទេ៕
រឹទ្ធ
0 Comments