ក្រុមអាល់កៃដាដែលបានអះអាងនៅថ្ងៃសុក្រ ថា ជាមេគំនិតនៅក្នុងការបាញ់ប្រហារបង្ហូរឈាមនៅក្នុងប្រទេសបារាំងនោះ គឺជាទង្វើសកម្មបំផុតរបស់ក្រុមបណ្ដាញភេរវករ នៅក្នុងការព្យាយាមវាយប្រហារនៅប្លុកខាងលិច។
ក្រុមអាល់កៃដានៅក្នុងឧបទ្វីបអារ៉ាប់និយាយថា ខ្លួនបានបញ្ជាឲ្យមានការវាយប្រហារទៅលើទស្សនាវដ្ដីបារាំង Charlie Hebdo នៅក្រុងប៉ារីស "ជាការសងសឹកឲ្យព្យាការីលោកមូហាមេដ របស់ឥស្លាម"។
ការវាយប្រហារនោះ គឺជាការវាយប្រហារជោគជ័យលើកដំបូងបង្អស់របស់សាខាអាល់កៃដាដែលមានមូលដ្ឋាននៅប្រទេសយេមែន នៅខាងក្រៅទឹកដីរបស់ខ្លួន និងជាជ័យជម្នះមួយសម្រាប់ជីហាដរបស់ខ្លួននៅក្នុងប្រទេសយេមែនដើម្បីបង្កើតកម្លាំងរបស់ខ្លួនធ្វើការវាយប្រហារនៅបរទេស។
បងប្អូនពីរនាក់ មានម្នាក់ចូលរួមនៅក្នុងការវាយប្រហារនៅក្នុងប្រទេសយេមែនក្នុងឆ្នាំ២០១១ និងបានទទួលការហ្វឹកហាត់ពីក្រុមអាល់កៃដា។ ពួកអាជ្ញាធរបាននិយាយដូច្នេះ។ ការវាយតម្លៃរបស់ចារកម្មសហរដ្ឋអាមេរិកដែលបានពណ៌នាប្រាប់ AP នោះបង្ហាញឲ្យឃើញថា សាអ៊ីដ កូអាជី អាយុ៣៤ឆ្នាំ ត្រូវបានគេបង្វឹកនៅក្នុងការរៀបចំដើម្បីវិលត្រឡប់ទៅស្រុកវិញ និងធ្វើការវាយប្រហារ៕
រឹទ្ធ
0 Comments