ភ្នំពេញ ៖ ក្រសួងរ៉ែថាមពល និងវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា បានសហការបើកសន្និសីទស្ដីពីប្រសិទ្ធភាពថាមពលអាស៊ីបូព៌ាលើកទី៣ «ជំរុញការអភិវឌ្ឍន៍កម្ពុជា និងប្រសិទ្ធភាពថាមពល» នាព្រឹកថ្ងៃទី១៦ ខែមករា ឆ្នាំ២០១៥នេះ នៅសណ្ឋាគារសូហ្វីតែលភ្នំពេញភូគីត្រា រាជធានីភ្នំពេញ។
សន្និសីទនេះបានប្រព្រឹត្តទៅក្រោមវត្តមានលោក អ៊ិត ប្រាំង រដ្ឋលេខាធិការក្រសួងរ៉ែ និងថាមពល ក្នុងគោលបំណងដើម្បីផ្លាស់ប្ដូរព័ត៌មានពីការលើកកម្ពស់ការយល់ដឹងការប្រើប្រាស់ថាមពលឲ្យមានប្រសិទ្ធភាព។
តាមប្រសាសន៍លោក វីកទ័រ ចូណា អគ្គនាយកនៃអគ្គនាយកដ្ឋានរ៉ែ និងថាមពលបានឲ្យដឹងថា សន្និសីទនេះលើកទី១បានបើកធ្វើនៅទីក្រុងវៀងច័ន្ទ ប្រទេសឡាវ លើកទី២ និងលើកទី៣នេះកម្ពុជាបានធ្វើជាម្ចាស់ផ្ទះដោយមានការចូលរួមពីមជ្ឈមណ្ឌលថាមពលអាស៊ាន អ្នកឯកទេសមកពីវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា រួមទាំងអ្នកជំនាញមកពីក្រសួងរ៉ែ និងថាមពល ដើម្បីទទួលបានអំពីបច្ចេកវិទ្យាថ្មីដែលអាចសន្សំសំចៃថាមពលបាននៃការប្រើប្រាស់៕ សុង យោ
0 Comments