ភ្នំពេញ ៖ មន្ត្រីក្រសួងការបរទេសម្នាក់ ត្រូវបានប៉ូលិសព្រហ្មទណ្ឌក្រុងភ្នំពេញចាប់ខ្លួនតាមដីការរបស់ព្រះរាជអាជ្ញាអមតុលាការក្រុងភ្នំពេញ កាលពីព្រឹកថ្ងៃទី១៦ ខែមករា ឆ្នាំ២០១៥ ពាក់ព័ន្ធករណីចេញសែកមានទឹកប្រាក់ជាង១៥ម៉ឺនដុល្លារ តែសែកនោះអត់លុយមួយរៀល។
ជនសង្ស័យដែលសមត្ថកិច្ចចាប់ខ្លួននេះឈ្មោះ អ៊ុច សីហរដ្ថ ភេទប្រុស អាយុ៤៦ឆ្នាំ មានលំនៅស្ថានផ្ទះលេខ២២៨E១ ផ្លូវលេខ១៨២ សង្កាត់ទឹកល្អក់២ ខណ្ឌទួលគោក។ ប៉ូលិសបានប្រាប់ឲ្យដឹងថា ការចាប់ខ្លួនមន្ត្រីក្រសួងការបរទេសម្នាក់នេះគឺអនុវត្តតាមដីកាបញ្ជាឲ្យចូលខ្លួនរបស់លោកហៀង សុភក្ត្រ ព្រះរាជអាជ្ញាអមតុលាការក្រុងភ្នំពេញដែលបានចោទប្រកាន់ពីបទមិនបំពេញកាតព្វកិច្ចចំពោះឧបករណ៍ដែលអាចជួញដូរបាន ប្រព្រឹត្តកាលពីឆ្នាំ២០១៤ ក្រុងភ្នំពេញ តាមពាក្យបណ្ដឹងរបស់ ឈ្មោះ ជា ឡូ ឈ្មួញរកស៊ីទិញលក់ឡានម្នាក់៕
មករា
0 Comments