បាត់ដំបង ៖ វាស្ទើរតែនៅក្បែរនឹងជញ្ជាំងផ្ទះរបស់ក្រុមមន្ត្រីជលផលទៅហើយ ដែលជាឧបករណ៍នេសាទខុសច្បាប់ ហើយក៏ត្រូវបានរដ្ឋហាមឃាត់បានផុសព្រោងព្រាតពេញស្ទឹងសង្កែ ក្នុងខេត្តបាត់ដំបងដោយគ្មាននរណាម្នាក់យកភ្នែកមើលនោះទេ ព្រោះឧបករណ៍ទាំងនេះត្រូវបានគេធ្វើឡើងដោយស្បៃមុងក្រឡាញឹកសុទ្ធសាធដើម្បីចាប់យកតាំងពីកូនត្រី ឬក៏ចៅត្រីក៏មិនសល់ដែរ។
គួររំលឹកដែរថា កន្លងមកការលបដាក់ឧបករណ៍នេសាទប្រភេទអ៊ុយនេះ ត្រូវបានគេដាក់
ពន្លិចនៅក្នុងបាតស្ទឹងដើម្បីលាក់កំបាំងពីក្រសែភ្នែកអង្គភាពពាក់ព័ន្ធ ដោយអ៊ុយនីមួយៗមាន
ប្រវែងរាប់សិបម៉ែត្រដើម្បីចាប់យកត្រីទាំងតូចទាំងធំ។ បើគេសង្កេតមើលនៅតាមបណ្តោយដងស្ទឹងសង្កែដែលហូរឆ្លងកាត់ក្រុងបាត់ដំបង ហើយក៏សឹងតែហូរក្បែរផ្ទះអស់លោកមន្ត្រីខណ្ឌជលផលផងនោះគឺមានឧបករណ៍ល្មើសច្បាប់ទាំងនេះបណ្ដែតខ្លួនព្រោងព្រាតនៅលើផ្ទៃទឹកដោយលែងមានការលាក់លៀមទៀតហើយ គឺគេសំដែងឫទ្ធិយ៉ាងស្តែងៗតែម្តង ដោយគ្មានមន្ត្រីជំនាញណាមួយយកភ្នែកមើលនោះឡើយ។ បច្ចុប្បន្នកុំថាឡើយចំពោះបទល្មើសនេសាទនៅតាមដងស្ទឹងសង្កែ បើនិយាយពីបឹងទន្លេសាបវិញគឺមិនខ្វះនោះទេ ដោយក្រុមទុច្ចរិតបានប្រើប្រាស់ឧបករណ៍ ណរ៉ាវ និងឡុកមួយខ្សែៗ ប្រវែងរាប់ពាន់ម៉ែត្រសំរាប់ចាប់យកហ្វូងមច្ឆជាតិគ្រប់ប្រភេទ ហើយការដាក់ណរ៉ាវ នេះ ត្រូវបានគេកាប់បំផ្លាញព្រៃឈើលិចទឹកស្ទើរគ្មានសល់ដើម្បីផលប្រយោជន៍របស់ពួកគេ ដែលព្រៃឈើលិចទឹកនេះហើយ គឺជាជំរកសំរាប់ត្រីរស់នៅ និងការបន្តពូជ។
រាល់បញ្ហានេះគេមិនដែលឃើញមន្ត្រីជលផល ឬក៏លោក ជួង សុភា ដែលជានាយខណ្ឌដឹកនាំកំលាំងចុះទៅបង្ក្រាបបទល្មើសបន្តិចណាឡើយ នេះប្រហែលជាមានការត្រូវរ៉ូវគ្នាហើយមើលទៅបានជាសកម្មភាពនេះដំណើរការយ៉ាងរលូនបែបនេះ ព្រោះថ្មីៗនេះ កម្ពុជាថ្មីបានទទួលព័ត៌មានថានៅរដូវប្រាំងនេះការបូមបឹងរបស់ប្រជាពលរដ្ឋនៅក្នុងតំបន់ព្រៃរនាម មាត់បឹងទន្លេសាបគឺមានការមមាញឹកមែនទែន ដើម្បីចាប់ត្រីហើយក្នុងនោះដែរក៏គេសង្កេតឃើញថា មានអ្នកទៅយកលុយបន្តកន្ទុយគ្នា ក្នុងនោះគឺមានខាងសហគមន៍ កំលាំងប្រដាប់អាវុធ មន្ត្រីជលផលជាដើម៕
សោ និយមរ័ត្ន
បណ្ដែតខ្លួនព្រោងព្រាតពេញស្ទឹងសង្កែ){kind=link}
0 Comments