សារព័ត៌មានតំបន់ឲ្យដឹងថា ជប៉ុនកំពុងតែបង្កើនការវាយលុកការទាក់ទាញសេដ្ឋកិច្ចនៅអាស៊ីអាគ្នេយ៍ នៅក្នុងការបង្ហាញមួយចុងក្រោយ នៃការប្រឹងប្រែងប្រជែងគ្នា ដោយមហាអំណាចធំៗ ដើម្បីទាញចំណេញពីទីផ្សារតែមួយ ដែលនឹងត្រូវកើតក្នុងពេលឆាប់ៗ ក្នុងតំបន់ដែលមានមនុស្សរស់នៅយ៉ាងច្រើន។
មន្ត្រីថ្នាក់ខ្ពស់ ពីក្រសួងការបរទេសជប៉ុន នឹងទៅកម្ពុជា និងឡាវ នៅសប្តាហ៍នេះ ស្វះស្វែងឲ្យមានការពង្រីកចំណងទាក់ទងជាមួយប្រទេសទាំងពីរ ដែលសុទ្ធតែជាប្រទេសគោលនៃការប្រឹងប្រែងរបស់ចិនក្នុងការធ្វើឲ្យចំណងពាណិជ្ជកម្មកាន់តែស៊ីជម្រៅ។
ក្រុមអ្នកវិភាគនិយាយថា សមរភូមិដណ្តើមឥទ្ធិពល អាចនឹងកាន់តែមានសភាពតឹងតែង ដោយសារតែ អាស៊ានជំរុញតាមផែនការរបស់ខ្លួន សម្រាប់ឲ្យមានសហភាពសេដ្ឋកិច្ចកាន់តែជិតស្និទ្ធនៅដំណាច់ឆ្នាំនេះ សម្រាប់ប្រទេសទាំង១០ ជាសមាជិក និងប្រជាពលរដ្ឋរួមគ្នាមានជាង ៥០០លាននាក់ឯណោះ។ បុគ្គលិកនៃក្រុមពិចារណាយុទ្ធសាស្ត្រ នៃវិទ្យាស្ថានសិក្សាអាស៊ីភាគអាគ្នេយ៍ ប្រចាំនៅសិង្ហបុរី លោក Sanchita Basu Das និយាយថា មានការប្រកួតប្រជែងក្នុងចំណោមតួអង្គធំៗ ដោយនៅឆ្នាំក្រោយ ក៏នៅតែមានការប្រជែងគ្នា ប្រើប្រាស់សេដ្ឋកិច្ចជាឧបករណ៍។ អនុរដ្ឋមន្ត្រីការបរទេស ប្រចាំសភាជប៉ុន លោក Kazuyuki Nakane រំពឹងដា នឹងធ្វើឲ្យមានការហោះហើរត្រង់ពីជប៉ុនទៅកម្ពុជា និងឡាវ ក្នុងបំណងជំរុញការវិនិយោគ និងពាណិជ្ជកម្មទ្វេភាគី (តាមការអះអាងពីមន្ត្រីមួយរូប នៃក្រសួងការបរទេស នៅតូក្យូ)។ នៅក្នុងរបៀបវារៈរបស់ខ្លួននៅកម្ពុជាដែរ រួមមានការបញ្ចប់ការសាងសង់ស្ពាន អ្នកលឿង ដែលឆ្លងកាត់ទន្លេមេគង្គ ដែលរដ្ឋាភិបាលជប៉ុន បានផ្ដល់ជាជំនួយ១០១លានដុល្លារ។
កម្ពុជា និងឡាវ ជាប្រទេសតូចៗ ពីរ ក្នុងតំបន់ ជាគោលដៅយូរមកហើយនៃក្រុមហ៊ុនជប៉ុននានា ដែលស្វះស្វែងរកការពង្រឹងប្រតិបត្តិការទីផ្សារក្នុងស្រុកមានភាគចំណេញ តែមានភាពចាស់ទុំ ដោយឲ្យមានមួយផ្នែកជាកំណើនសេដ្ឋកិច្ចលឿននៃអាស៊ីភាគអាគ្នេយ៍។ ការវិនិយោគដោយត្រង់ដោយធុរកិច្ចជប៉ុន នៅឥណ្ឌូណេស៊ី ម៉ាឡេស៊ី ហ្វីលីពីន ថៃ និងវៀតណាម បានឈានដល់៨,២ពាន់លានដុល្លារ កាលពីត្រីមាសទីបីឆ្នាំកន្លងទៅ។ តាមការឲ្យដឹងពីអង្គការពាណិជ្ជកម្មក្រៅប្រទេសរបស់ជប៉ុន ឬត្រូវជាជាងមួយភាគដប់ នៃការវិនិយោគក្រៅប្រទេសសរុប។ កម្ពុជា តែងតែស្ថិតក្នុងរង្វង់ចរនៃប្រទេសចិន ដោយបានទទួលជំនួយពីក្រុងប៉េកាំង និងបានផ្តល់ការគាំទ្រនយោបាយទៅវិញ។
ក្រុងប៉េកាំង បានដាក់ប្រាក់ នៅពីក្រោយគម្រោងហេដ្ឋារចនាសម្ព័ន្ធនានាក្នុងប្រទេសឡាវ ដែលជាផ្នែកមួយយ៉ាងសំខាន់ នៃស្ពានពាណិជ្ជកម្មរវាង ចិន នឹងតំបន់អាស៊ាន ដោយហេតុថា វាក៏មានការហៀរហូរចូលទៅថៃ និងទីនានាផងដែរ។ ក្រុងប៉េកាំងបានឲ្យឈ្មោះយុគសម័យបច្ចុប្បន្ន ថាជា "ទសវត្សពេជ្រ" ក្នុងការពូនជ្រំទំនាក់ទំនងជាមួយអាស៊ាន ក្នុងបំណងជំរុញពាណិជ្ជកម្មទៅវិញទៅមកពី៤៤៤ពាន់លានដុល្លារ ក្នុងឆ្នាំ២០១៣ ទៅ១ពាន់/ពាន់លានដុល្លារ ក្នុងឆ្នាំ២០២០ (តាមសេចក្តីរាយការណ៍ពីសារព័ត៌មានរដ្ឋឲ្យដឹងថ្មីៗនេះ)។
ចិននៅបានកសាងជាទំនាក់ទំនងទ្វេភាគី ដូចជា ជាមួយពួកយោធានិយមថៃ ដែលពីពួកនោះ ចិន បានទទួលគម្រោងកសាងផ្លូវដែក៨៦៧ គីឡូម៉ែត្រ កាលពីខែកន្លងទៅ។ កូរ៉េខាងត្បូង ដែលមានការគ្រោងទុកសម្រាប់អាស៊ានដែរ បដិសេធសេចក្តីរាយការណ៍នៃសារព័ត៌មានថា ខ្លួនបានបរាជ័យមិនបានទទួលគម្រោងក្នុងការសាងសង់ផ្លូវដែកថៃ ដោយលើកឡើងថា កំពុងនៅក្នុងការពិភាក្សានៅឡើយជាមួយក្រុងបាងកក ពីគម្រោងដែលអាចនឹងមាន៕
0 Comments