ភ្នំពេញ ៖ យុវជនម្នាក់ ត្រូវបានក្រុមជាងជួសជុលរថយន្តចាប់ប្រគល់ឱ្យសមត្ថកិច្ចខណ្ឌជ្រោយចង្វាបន្ទាប់ពីជនសង្ស័យធ្វើសកម្មភាពបន្លំលូចក្នុងហាងលក់រថយន្តបំរុងលួចម៉ូតូ ប៉ុន្តែដោយម្ចាស់គេនៅក្បែរនោះ ទើបមិនហ៊ានលួច ក៏លួចអាគុយរថយន្តវិញ តែបាបកម្ម ត្រូវជាងជួសជុលរថយន្តឃើញទាន់ចាប់ជាប់កាលពីវេលាម៉ោង៨និង១០នាទីព្រឹក ថ្ងៃទី២០ ខែមករា ឆ្នាំ២០១៥ នៅក្នុងឃ្លាំងលក់រថយន្តយីហោ "ហៀករ៉ា" ស្ថិតនៅតាមបណ្តោយផ្លូវជាតិលេខ៦ ក្រុម១០ ភូមិកៀនឃ្លាំង សង្កាត់ព្រែកលៀប ខណ្ឌជ្រោយចង្វា។
សមត្ថកិច្ចបានឱ្យដឹងថា ជនសង្ស័យខាងលើឈ្មោះ ម៉ន ដា ហៅអាត្រងោល អាយុ១៦ឆ្នាំមុខរបរនិងទីកន្លែងស្នាក់នៅមិនពិតប្រាកដ។ ចំណែកជនរងគ្រោះឈ្មោះ ឃន សុខឃឿន ភេទប្រុស អាយុ៣៥ឆ្នាំ ជាមេជាង ស្នាក់នៅទីតាំងកើតហេតុខាងលើ៕ ឌីរៀ
0 Comments