លោកតាម្នាក់លួចដាំដើមកញ្ឆាស្រស់និងក្រៀមត្រូវបានកំលាំងអាវុធហត្ថខេត្តធ្វើការបង្ក្រាប
បន្ទាយមានជ័យ ៖ លោកតាវ័យចំណាស់ម្នាក់បានលួចដាំកញ្ឆាស្រស់និងក្រៀមជាច្រើនគីឡូត្រូវបានកំលាំងកងរាជអាវុធហត្ថខេត្តបន្ទាយមានជ័យធ្វើការបង្ក្រាបរួចបញ្ជូនទៅសាលាដំបូងខេត្តដាក់ទោសទៅតាមផ្លូវច្បាប់។ អាវុធហត្ថចុះបង្ក្រាបអ្នកដាំកញ្ឆាខុសនិងច្បាប់ហាមឃាត់នេះនៅវេលាម៉ោង២ថ្ងៃរសៀលថ្ងៃទី៩ ខែមករា ឆ្នាំ២០១៥នៅភូមិនិមិត្ត១សង្កាត់និមិត្ត ១ក្រុងប៉ោយប៉ែត ខេត្តបន្ទាយមានជ័យ។
លោកឧត្តមសេនីយ៍ត្រី ឱបូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យបានឲ្យដឹងថា ជនសង្ស័យមានឈ្មោះហ៊ីយុន ប្រុសអាយុ ៧១ឆ្នាំរស់នៅភូមិនិមិត្ត១ សង្កាត់និមិត្ត១ក្រុងប៉ោយប៉ែត ខេត្តបន្ទាយមានជ័យ។
លោកឱបូរិន្ទបានបញ្ជាក់ទៀតថា ដោយមានការចូលរួមនិងបានផ្តល់ព័ត៌មានពីប្រជាពលរដ្ឋថា មានគេលួចដាំដើមកញ្ឆាស្រស់រាប់រយដើមនិងមានហាលកញ្ឆាស្ងួតជាច្រើនគីឡូទៀតនោះទើបលោកដឹកនាំកំលាំងជាច្រើននាក់និងបញ្ជាផ្ទាល់ពីលោកផងទៀតនោះទើបចុះប្រតិបត្តិការនិងឈានដល់បង្ក្រាបជនសង្ស័យដែលលួចដាំកញ្ឆាខុសនិងច្បាប់មួយកន្លែងនិងធ្វើការដកហូតបានកញ្ឆានៅនិងកន្លែងមានដើមកញ្ឆាធំចំនួន៣៨ដើមនិងដើមកញ្ឆាស្រស់តូច២៨ដើមដើមកញ្ឆាក្រៀម៤គីឡូក្រាមនិងផើងដាំដើមកូនកញ្ឆា១ទៀតផង។
លោកឱបូរិនបានបញ្ជាក់ទៀតថា ជនសង្ស័យនិងវត្ថុតាងកញ្ឆាកំលាំងអាវុធហត្ថបានកសាងសុំរឿងបញ្ជូនទៅតុលាការដើម្បីដាក់ទោសទៅតាមច្បាប់៕
គង្គា
0 Comments