រដ្ឋមន្ត្រីការបរទេសសហរដ្ឋអាមេរិកលោកចនឃែរី (John Kerry) បាននិយាយនៅថ្ងៃព្រហស្បតិ៍ថា លោកអាចជួបរដ្ឋមន្ត្រីការបរទេសអ៊ីរ៉ង់ម្តងទៀតនៅក្នុងសប្ដាហ៍នេះ ដើម្បីពិភាក្សាពីកម្មវិធីនុយក្លេអ៊ែររបស់ប្រទេសអ៊ីរ៉ង់ ក្រោយពីការចរចាប្រហែល៦ម៉ោងរបស់គេនៅថ្ងៃពុធមក។
ប្រទេសអ៊ីរ៉ង់ និង ប្រទេសមហាអំណាចពិភពលោកទាំង៦ បានធ្វើសំណើរបស់គេសាជាថ្មី សម្រាប់កិច្ចព្រមព្រៀងនុយក្លេអ៊ែរមួយដែលត្រូវបានគេមើលឃើញថា សំខាន់ចំពោះការកាត់បន្ថយការប្រថុយក្រោមថ្នាក់នឹងសង្គ្រាមមជ្ឈិមបូព៌ាកាន់តែធំមួយ ក្រោយពីអ្នកចរចាបរាជ័យជាលើកទីពីរនៅក្នុងខែវិច្ឆិកា ដែលមិនបានបំពេញការបរិច្ឆេទមួយដែលលើកឡើងដោយខ្លួនឯងនោះ។
ពួកប្រទេសមហាអំណាចសង្ឃឹមថា នឹងបញ្ចុះបញ្ចូលប្រទេសអ៊ីរ៉ង់ឲ្យផ្អាកកម្មវិធីនុយក្លេអ៊ែររបស់ខ្លួនដែលលោកខាងលិចសង្ស័យថា អាចស្វះស្វែងដើម្បីបង្កើតអាវុធបរមាណូនោះជាផ្លូវទៅនឹងការបន្ធូរបន្ថយទណ្ឌកម្មសេដ្ឋកិច្ចបណ្ដើរៗ។ ប្រទេសអ៊ីរ៉ង់និយាយថា កម្មវិធីនុយក្លេអ៊ែររបស់ខ្លួនគ្រាន់តែធ្វើដើម្បីគោលបំណងសន្តិភាពប៉ុណ្ណោះ។
លោក ឃែរី និងរដ្ឋមន្ត្រីការបរទេសអ៊ីរ៉ង់ លោកមហាម៉ាដចាវ៉ាដហ្សារិហ្វ (Java Zharif) បានជួបប្រជុំប្រហែល៦ម៉ោងនៅក្រុងហ្សឺណែវនៅថ្ងៃពុធ៕
រឹទ្ធ
0 Comments