បន្ទាយមានជ័យ ៖ មន្ត្រីសាលាខេត្តបន្ទាយមានជ័យ និងសប្បុរសជនបានផ្តល់អំណោយគ្រឿងបរិភោគមានទឹកសុទ្ធ និងនំបុ័ងជូនដល់ប្រជាពលរដ្ឋ ដែលជាអ្នកជំងឺមកទទួលសេវាឥតគិតថ្លៃពីក្រុមគ្រូពេទ្យបេសកកម្មអង្គរសហរដ្ឋអាមេរិក កាលពីល្ងាចថ្ងៃទី០៥មករា២០១៤នៅមន្ទីរពេទ្យបង្អែកក្រុងសិរីសោភ័ណ។
លោកវេជ្ជបណ្ឌិត អ៊ាវ តារាវុធ ប្រធានមន្ទីរពេទ្យបង្អែកក្រុងសិរីសោភ័ណប្រាប់ថា ក្រុមគ្រូពេទ្យបេសកកម្មអង្គរសហរដ្ឋអាមេរិក(PROJECTANGKOR,USA)បានសហការជាមួយមន្ត្រីពេទ្យបង្អែកក្រុងសិរីសោភ័ណដើម្បីពិនិត្យ និងពិគ្រោះជំងឺនិងព្យាបាលចាប់ថ្ងៃទី២ដល់៥មករា២០១៥មានចំនួនជាង៣.០០០នាក់។ លោកបានបន្តថា ក្រុមគ្រូពេទ្យបេសកកម្មអង្គរសហរដ្ឋអាមេរិកដែលកំពុងសហការពិនិត្យ និងព្យាបាលជម្ងឺនៅមន្ទីរពេទ្យបង្អែកក្រុងសិរីសោភ័ណគឺពិនិត្យ និងព្យាបាលជម្ងឺទូទៅជូនបងប្អូនប្រជាពលរដ្ឋដោយឥតគិតថ្លៃ និងត្រូវបានបញ្ចប់បេសកកម្មនៅល្ងាចថ្ងៃទី០៦មករា២០១៥នេះហើយ។
លោកវេជ្ជបណ្ឌិត អ៊ាវ តារាវុធ បានថ្លែងអំណរគុណចំពោះបេសកកម្មក្រុមគ្រូពេទ្យសហរដ្ឋអាមេរិក(PROJECTANGKOR,USA)ដែលបានយកចិត្តទុកដាក់និងពិនិត្យ និងព្យាបាលជម្ងឺជូនប្រជាពលរដ្ឋដោយឥតគិតថ្លៃ និងមន្ត្រីរាជការនិងសប្បុរសជនដែលជួយផ្តល់នំប៉័ង និងទឹកសុទ្ធជនដល់ប្រជាពលរដ្ឋរង់ចាំការពិនិត្យ និងព្យាបាលជម្ងឺ៕
0 Comments