នាយករដ្ឋមន្ត្រីអូស្ត្រាលីលោក តូនីអាប់បត់ (Tony Abbot) កំពុងប្រឈមមុខនឹងការប្រឆាំង ដែលកំពុងកើនឡើងដោយសមាជិកសភា៣រូបអំពាវនាវឲ្យមានការបោះឆ្នោតមួយស្តីពីថ្នាក់ដឹកនាំរបស់លោក។
សមាជិកសភាសេរីម្នាក់លោកដេនីសចេនសេន (Dennis Jensen) បានអំពាវនាវជាសាធារណៈចំពោះនាយករដ្ឋមន្រ្តី ឲ្យចុះចេញពីតំណែង។
បញ្ហាស្តីពីការដឹកនាំរបស់លោកអាបបត់ បានកើនឡើងនៅចំពេលប្រជាប្រិយភាពធ្លាក់ចុះ ហើយនិងការបរាជ័យដ៏ក្តុកក្តួលមួយសម្រាប់គណបក្សចម្រុះជាតិសេរីរបស់លោកនៅក្នុងការបោះឆ្នោតនៅឃ្វីនឡែន។
លោកបានចាត់ទុកជម្លោះការដឹកនាំថា ជាសញ្ញាមួយបង្ហាញពីគណបក្សរឹងមាំ។
រដ្ឋមន្ត្រីការបរទេសលោកស្រីជូលីប៊ីស្ហប់ (Julie Bishop) ត្រូវបានគេស្នើឲ្យធ្វើជាអ្នកប្រកួតប្រជែង ទោះបីជាលោកស្រីបាននិយាយប្រាប់ពួកសមាជិកគណរដ្ឋមន្រ្តីគ្នាឯងថា លោកស្រីមិនធ្វើយុទ្ធនាការ ដើម្បីការងារនាយករដ្ឋមន្ត្រីក៏ដោយ។
សារព័ត៌មាន ABCរបស់អូស្ត្រាលី បានរាយការណ៍ថា នៅថ្ងៃអង្គារ លោកស្រីចេនសេន បានអំពាវនាវឲ្យមានអ្នកឡើងជំនួសលោកអាប់បត់ឆាបៗ តាមដែលអាចធ្វើទៅបាន៕
0 Comments