ពួកអ្នកស្រាវជ្រាវសហរដ្ឋអាមេរិកបានព្រមាននៅថ្ងៃអង្គារថា ប្រទេសកូរ៉េខាងជើងទំនងជាបានប្រុងប្រៀបពង្រីកកម្មវិធីនុយក្លេអ៊ែររបស់ខ្លួនសម្រាប់រយៈពេល៥ឆ្នាំខាងមុខ ហើយនៅក្នុងឆាកដ៏អាក្រក់បំផុតមួយនោះ អាចមានអាវុធបរមាណូ១០០ដើមនៅឆ្នាំ២០២០។
ពួកគេនិយាយថា បណ្ដាក្រុមហ៊ុនអ៊ីរ៉ង់ដែលរីកចម្រើនបំផុតអាចចូលរួមចំណែកដោយមិនដឹងខ្លួននៅក្នុងកម្មវិធីនុយក្លេអ៊ែរដែលគេសង្ស័យរបស់ក្រុងព្យុងយ៉ាងជាមួយនឹងគ្រឿងឧបករណ៍របស់គេ ដែលត្រូវបានបង្វែរទិសដៅទៅកាន់ប្រទេសឯកោតាមរយៈប្រទេសចិន។
ទោះបីជាកម្មវិធីនុយក្លេអ៊ែររបស់ប្រទេសកូរ៉េខាងជើងនៅតែលួចលាក់នៅក្នុងភាពមិនប្រាកដនោះ ក្នុងព្យុងយ៉ាងបច្ចុប្បន្នត្រូវគេជឿថា មានការស្តុកទុកអាវុធនុយក្លេអ៊ែរប្រហែលពី១០ទៅ១៦ដើម ដែលត្រូវបានផលិតចេញពីភ្លុយតូនីញ៉ូម ឫអ៊ុយរ៉ានៅញ៉ូមកម្រិតអាវុធ។
ប្រទេសកូរ៉េខាងជើងបានធ្វើការសាកល្បងនុយក្លេអ៊ែរនៅក្នុងឆ្នាំ២០០៦ ២០០៩ និង២០១៣។ ខ្លួនក៏បានបាញ់សាកល្បងទៀងទាត់ផងដែរនូវកាំជ្រួចដោយបង្កឲ្យមានការថ្កោលទោសពីសំណាក់អន្តរជាតិ។
កូរ៉េខាងត្បូងនិងសហរដ្ឋអាមេរិកបាននិយាយនៅថ្ងៃអង្គារថា គេនឹងធ្វើសមយុទ្ធយោធារួមប្រចាំឆ្នាំរបស់គេនៅថ្ងៃទី២ ខែមិនា ដោយបង្កឲ្យមានភាពតានតឹងកើនឡើងជាមួយប្រទេសកូរ៉េខាងជើង៕
រឹទ្ធ
0 Comments